Titulli: Gjenerali në labirintin e tij
Origjinali: El general en su laberinto
Gjinia: Roman
Autori: Gabriel García Márquez
Shqipëroi: Bashkim Shehu
Shtëpia botuese: Onufri
Viti: 2017
Fq. 312
Pesha: 0.502 kg.
ISBN: 978-9928-226-79-2
Kategoritë: 1. Letërsia botërore 2. Letërsia hispanike 3. Nobelistët 4. Gabriel García Marquez 5. Bashkim Shehu
Mbi librin
Ky roman i shkurtër, i bazuar në histori, përshkruan ditët e fundit të Simon Bolivarit. Në moshën 46 vjeçare, në vitin 1830, i plakur para kohe, i rraskapitur dhe gati në agoni, Gjenerali (siç referohet në libër), dikur heroi dhe presidenti i republikës së kombeve, që i çliroi nga dominimi spanjoll, por tashmë pa lavdi, ndërmerr një udhëtim të fundit, melankolik, përgjatë lumit Magdalena, e përgjatë brigjeve të tij, duke vizituar sërish qytetet, duke ripërjetuar triumfet, pasionet dhe tradhtitë ne jetën e tij.
Pafundësisht i hijshëm, jashtëzakonisht i suksesshëm në dashuri, në luftë dhe politikë, ai kërcen ende me kaq gjallëri dhe mjeshtëri, saqë njerëzit nuk arrijnë ta besojnë se ai është vërtet i sëmurë. Ai endet pa asnjë qindarkë, ka hequr dorë nga presidenca dhe ka shpallur dëbimin e tij të pashmangshëm, një akt të cilin e zvarrit vazhdimisht, me shpresën se do të rikthehet në pushtet.
I kritikuar gjerësisht, target i atentateve, i torturuar nga pagjumësia dhe ethet e përditshme, Gjenerali është bërë cinik, i hidhët e tekanjoz, i acaruar me fuqitë që po i shterojnë, i pamundur që të përballet me vdekjen që e pret ("Si do të shpëtoj nga ky labirint!", thërret ai).
I përndezur me kujtimet e pushtetit që zotëronte dikur dhe ëndrrën e bashkimit kontinental që nuk e arriti, ai është një shembull i gjallë se sa shumë mund të arrihet – dhe humbet – në jetë.
Komente mbi librin
"Një kryevepër e mahnitshme dhe një homazh prekës ndaj një njeriu të jashtëzakonshëm."
Margaret Atwood, The New York Times Book Review
"Një libër i çmuar... García Márquez paraqet mrekullisht imazhin e tij për Amerikën Latine dhe për një burrë të jashtëzakonshëm."
Los Angeles Times Book Review
"Një portret që të lë pa mend, bindës dhe prekës... Madhështor."
San Francisco Chronicle
"Çdo paragraf i librit shkëlqen me gjenialitetin e Gabriel García Márquez... Ai ka shpikur disa nga personazhet magjikë të epokës sonë. Megjithatë, Gjenerali i tij është jo vetëm magjik, por edhe i vërtetë."
The Wall Street Journal
"Një rrëfim aq i arrirë sa vështirë ta gjeni në raftet e librarive."
Chicago Tribune
"Si përherë, mjeshtëria e Gabriel García Márquez është kryekreje e shkëlqyer. Historia e Gjeneralit të tij është tragjike; rrëfimi i tij është i jashtëzakonshëm."
The Dallas Morning News
