Balsami i Lumturisë, Muhammed Al-Gazzali

Titulli: Balsami i Lumturisë
Origjinali: Kimia-i-Seadet
Autori:Muhammed Al-Gazzali
Perktheu: Ahmet Ramo
Botues: ACFOS-Albania
Viti: 2016
Pesha: 0.170 kg
Ky libër është në gjuhën shqipe

Mbi librin

Dije, o i dashur, se njeriu nuk u krijua për zbavitje ose kot por u bë në një mënyrë të çuditshme dhe për një qëllim të lartë. Njeriu s’është i tejkohshëm, prej së kaluarës së paanshme, por prapë, këtej e tutje vazhdon i përhershëm. Sadoqë është një trup prej balte dhe i keq, shpirti i tij është i lartë dhe hyjnor. Kur të jetë spastruar prej lakmisë në furrën e vetëmohimit, lartësohet, dhe në vend që të jetë rob i epshit, pajiset me cilësi engjëllore.
Kur arrin në këtë gjendje, s’është më i shijesave trupore sepse e ka gjetur parajsën e tij dhe jeton në harmoninë hyjnore të bukurisë së përjetshme. Kjo kimi shpirtërore që sjell këtë ndryshim është sikur t’a kthesh plumbin në flori. Me qëllim që të shpjegojë këtë kimi dhe metodën e veprimeve të saj, autori mori përsipër këtë vepër duke i dhënë emrin “Kimia-i-Seadet”.
Thesaret e Zotit në të cilët duhet kërkuar ky shërim janë zemrat e profetëve, dhe ai që e kërkon gjetkë ka për të falimentuar me dëshpërim në “Ditën e Gjyqit” sepse atëherë ka për t’a kuptuar urdhërin e Kur’anit që thotë: “Sot të hoqmë perden e syve dhe nashti fakulteti yt shikues është i mprehtë”.

Për t’i mësuar njeriut spastrimin e zemrës me anën e kësaj kimie, Zoti ka dërguar njëqind e njëzet e katër mijë profetë në këtë botë. Ky ilaç do të thotë të largohesh prej veseve të kësaj bote duke u kthyer drejt Zotit, dhe përmban katër sharte, të cilët janë:

1. Njohja e Vetvetes

2. Njohja e Zotit

3. Njohja e kësaj bote, ashtu siç është

4. Njohja e jetës së përjetshme