Titulli: Misioni i shekulli XX
Origjinali: Misioni i shekulli XX
Gjinia: Shkenca politike
Autori: Tajar Zavalani
Shtëpia botuese: Plejad
Viti: 2010
Fq. 320
Pesha: 0.42 kg
ISBN: 978-99956-658-8-3
Mbi librin
Vizioni i tij për ndryshimin e Shqipërisë ishte gjithmonë perëndimor, pikërisht Europa, andej nga i kishin sytë ai dhe bashkëkohësit e tij të kulturuar, por që morali dhe predikimet e tyre të bëheshin të besueshme, ata i referoheshin edhe mentalitetit psikologjik që përjetonte asokohe shoqëria shqiptare.
Filozofia nacionaliste e Tajar Zavalanit ironizon vetveten në optikën e publicistikës së tij, me një gamë interesash të gjera dhe të guximshme që buronin nga shqetësimet e ligjshme të momentit ku "të zotët e punës" konsolidonin shtetin shqiptar. Këto interesa, pikërisht prej momentit kur gjeneroheshin, prezantoheshin për opinionin publik shqiptar si jetike.
Njëkohësisht, integrimi i tyre në një platformë shtetërore dhe institucionale e bëjnë publicistikën e tij krejt moderne e perëndimore, polemiste e fisnike, kërkuese e të përgjegjshme. Për Zavalanin është njëlloj e rëndësishme si të merresh me tezat për një ideologji shqiptare, si të shprehesh për krizën në Shtetet e Bashkuara të Amerikës.
Tajar Zavalani i fton intelektualët shqiptarë që ta njohin mirë realitetin shqiptar, të jenë njerëz të gjallë, me frymë praktike, të merren me çështje konkrete, të shkruajnë kuptueshëm për probleme që shqetësojnë të nesërmen. Ata duhet që të mos harrojnë se "pleqtë u katandisën në një luftë për karrigen, prandaj atyre u duket se ndërtesa është ideale dhe ajo s'mund të bëhet më e mirë.
E, duhet të kuptojmë se rrogat e majme dhe pasuritë e mëdha nuk i linin të shihnin larg. Drejtësia, liria, dashuria për atdhe kanë vlerë universale, por nëpunësit halldupë s'kishin aspak ndërmend t'i mësonin e t'u përkushtoheshin atyre".
