Ç'është Arti, L.N. Tolstoj

Titulli:Ç'është Arti?
Origjinali:Chto takoye iskusstvo?
Kategoria:Filozofi
Autori:L.N. Tolstoj
Përktheu:Sezai Sylejmani
Botues:Alphabet J&H
Viti: 2023
Fq. 192
Pesha: 0.270 kg
ISBN:978-9951-826-36-5
Ky libër është në gjuhën shqipe


Mbi librin

Lev Tolstoi është një nga shkrimtarët e mëdhenj të njerëzimit. Përshkrimi i goditur i ngjarjeve të shekullit të 19të, përsiatja e botës së brendshme të personazheve, gjuha e larmishme dhe e ëmbël, fama e tij si fisnik i pasur dhe altruist, por edhe misioni pedagogjik i gjithë shkrimeve të tij kanë bërë që Tolstoi të ketë reputacion dhe influencë të pamasë te brezat e shkrimtarëve. Përveç krijimtarisë së tij artistike, Tolstoi është përpjekur, po ashtu, që të ishte produktiv edhe në fushat e eseistikës dhe filozofisë. Një nga librat e tij filozofikë është vepra Shto Takoje Iskustvo?, që në shqip përkthehet: Çfarë është arti?

Thuhet që kjo vepër Tolstoit i mori pesëmbëdhjetë vjet hulumtim dhe u shkrua në një kohë kur Tolstoi kishte hequr dorë nga proza dhe drama, duke arritur në përfundimin se romani i tij Ana Karenina nuk mund të ishte art. Fatkeqësisht për Tolstoin, në versionin e tij filozofik, Çfarë është arti? pak gjëra arrin në filozofinë e artit:  filozofët që ai përmend në libër nuk interpretohen korrektësisht, pothuajse çdo kapitull i librit përmend të njëjtin konkluzion që detyra e artit është bashkimi i njerëzve, veprat e Richard Wagner dhe Henrik Ibsen paraqiten si plehra, shtjellimi i formave dhe elementeve të artit ose mungon ose është i dobët, i gjithë përkufizimi autorial i estetikës duket se lidhet me besimin e Tolstoit që arti (ose, më saktë, vetëm mesazhi i veprave) duhet të bashkojë njerëzit –njëlloj siç i bashkon Krishterimi.