Titulli: Rruga në të cilën rrallë shkohet
Autori: Scott Peck
Përktheu: Latif Ajrullai
Shtëpia botuese: Albas
f. 176
Pesha: 0.18
Kg.
Mbi autorin dhe librin
Scott Peck është psikiatër i njohur amerikan i cili ka shkruar një seri veprash të karakterit psikologik e filozofik. Ka lindur në vitin 1936 në New York.Studimet i ka mbaruar në fakultetin e mjeksisë (Case Western Reserve University). Në vitin 1972 ai ka marrë gradën e Leitant Kolonelit. Prej vitit 1983 Peck drejton klinikën e tij private psikiatrike në Litchfield Country. Libri ”Rruga në të cilën rrallë shkohet” është shitur në 6 milion kopje vetëm në SHBA. Më pas shumë shpejt ai është përkthyer në njëzet gjuhë të botës duke shënuar një numër rekord përsa i përket librave psikologjikë.Libri i psikanalistit bashkëkohës Skot Pek "Rruga në të cilën rrallë shkohet" është nga më të lexuarit sot në botë. Njerëzit kanë gjetur në të një analizë të vërtetë dhe të sinqertë për ngritjen shpirtërore të vetvetes. Ky libër, më mirë se një duzinë ilaçesh, mund ta ndihmojë e ta lehtësojë secilin prej nesh për të bërë një zgjedhje sa më të drejtë, veçanrisht, kur gjendemi në udhëkryq. Para se ta përgatisnim librin, unë (Përkthyesi) dhe kolegët e mi, menduam që ky botim do të ishte veçanërisht i vlefshëm për lexuesin shqiptar, i cili nuk e ka patur asnjëherë mundësinë dhe kulturën për të kërkuar trajtim terapeutik.Autori përpiqet të jetë sa më objektiv dhe korrekt në trajtimin e temave të medha si Dashuria apo Dhimbja, të cilat i fokuson jo vetëm në dritën e shkencës psikologjike, por futet dhe në trajtime filozofike, sociologjike, teologjike, madje dhe poetike, duke shkrirë të gjitha këto në përvojën jetësore të vetvetes dhe të rrethit ku ai jeton. Vetë titulli i librit është sugjerues, aq edhe joshës; ai të fton në një rrugë, nëpër të cilën vërtetë shkohet shumë rrallë,por me mbështetjen, përkrahjen, sinqeritetin dhe dashurinë që të ofron ky autor bashkëkohës, mund ta bëjë lexuesin të jetë dhe ai, papritur, pjesëmarrës në rrugën e ngritjes së vet shpirtërore. Për Skot Pek-un, por dhe për njerëz të tjerë që mendojnë dhe jetojnë si ai, Dashuria dhe Puna janë gjërat më shenjta dhe të vetmet udhëheqëse, që të çojnë në rrugën për arritjen e lumturisë së vetvetes dhe të tjerëve.