Mesimet e fshehta te te gjitha koherave, Manly P. Hall

Titulli: Mësimet e fshehta të të gjitha kohërave
Origjinali: The secret teachings of all ages
Gjinia: Filozofi, mister
Autori: Manly P. Hall
Shqipëroi: Nikolla Langore
Shtëpia botuese: Plejad
Viti: 2012
Fq. 296
Pesha: 0.33 kg
ISBN: 978-99956-57-75-8

Mbi autorin

Manly Palmer Hall (18 mars 1901 – 29 gusht 1990), i lindur kanadez, ka qenë shkrimtar dhe mistik. Ka të ngjarë që ai të jetë më i famshëm për veprën e tij "Mësimet e fshehta të të gjitha kohërave", botuar në vitin 1928, kur ishte vetëm 27 vjeç. Është thënë se në vitin 1953, Hall u bë kalorës mbrojtës i Grupit Masonik të kërkimeve të San Françiskos, ndonëse ai nuk njihej si mason deri më 22 nëntor 1954, kur u pranua në Lozhën Xhevahir numër 374 të San Françiskos.

Më vonë ai mori gradën e 32 – të në Vallej të San Françiskos, AASR (SJ). Në vitin 1973, Hall u njoh si mason i gradës së 33 – të (grada më e lartë që jepet nga Këshilli i Lartë i Ritit Skocez) në një ceremoni të zhvilluar në Shoqërinë për Kërkime Filozofike (PRS) më 8 dhjetor 1973. Shënimi arkivor për Manly Palmer Hall thotë që Hall mori gradën e 33 – të "pavarësisht që nuk ishte pranuar kurrë në shoqërinë fizike".

Gjatë karierës së tij mbi 70 vjeçare, Hall mbajti afro tetë mijë leksione në Shtetet e Bashkuara dhe jashtë tyre, shkroi mbi 150 libra dhe ese, si dhe një numër të pafund artikuj revistash. Ai shfaqet në hyrjen e filmit të vitit 1938 "Kur ti linde", një film me mister vrasjeje, që përdor astrologjinë si çelës për zbërthimin e tij.

Në vitin 1934, Hall themeloi Shoqërinë për Kërkime Filozofike (PRS) në Los Anxhelos të Kalifornisë, një organizatë fitimprurëse e përkushtuar në studimin e fesë, mitologjisë, metafizikës dhe okultizmit. PRS zotëron një bibliotekë me mbi 50 mijë vëllime dhe shet e boton libra metafizikë dhe spiritualë, shumiva e të cilëve të shkruar nga Hall.