Sfinksi dhe piramidat, Graham Hancock, Robert Bauval

Titulli: Sfinksi dhe piramidat
Origjinali: The message of Sphinx
Gjinia: Histori, konspiracion
Autori: Graham Hancock, Robert Bauval
Shqipëroi: Artan Meçi
Shtëpia botuese: Helga's Secrets
Viti: 2012
Fq. 506
Pesha: 0.50 kg
ISBN: 978-9928-09-010-2

Mbi librin

Më në fund doli në treg një material i plotë dhe i hollësishëm rreth piramidave dhe sfinksit. Kush i ndërtoi, përse dhe kur? Ç'janë këto simbole tredimensionale gjigante kaq enigmatike që vijnë nga thellësitë e kohës? Cili është mesazhi i tyre për të shkuarën, të sotmen dhe të ardhmen?

Kush mund t'i ketë ndërtuar këto objekte me një arkitekturë dhe orientim astronomik të jashtëzakonshëm, të brendshëm dhe të jashtëm (ndëryjor)? Çfarë ka dashur të thotë me to projektuesi dhe ndërtuesi i mesazhit? Dhe kur mund t'i ketë ndërtuar ato? A është e vërtetë koha e ndërtimit sipas egjiptologëve rreth 4500 vjet më parë?

A është e vërtetë se ato janë ndërtuar thjesht për t'i shërbyer si nekropol faraonëve të ndryshëm të Egjiptit? Por çfarë është viti diellor, çfarë është viti precesional dhe aksi precesional i tokës? Si ndryshon pozicioni i tij?

A ka lidhje forma dhe orientimi i objekteve të nekropolit të Gizës me shenjat zodiakale të qiellit? Ç'janë katër oxhaqet e Piramidës së Madhe (kjo është 481 këmbë ose 146 km e lartë dhe me brinjën e bazës së piramidës 755 këmbë ose 229 m) dhe si mund të ndihmojnë ato nëpërmjet orientimit të tyre astronomik në përcaktimin e kohës së ndërtimit të vetë piramidës?

Si janë lëvizur blloqet e mëdha të gurëve me një peshë deri në 90 ton në një distancë të madhe prej rreth 200 miljesh (afro 340 km) nga vendi i prodhimit deri në Pllajën e Gizës, kur deri në ditët e sotme vinçi më i madh modern mund të lëvizë deri në 60 ton maksimumi?