Fillesat e rendit politik, Francis Fukuyama

Titulli: Fillesat e rendit politik
Origjinali: The origins of political orden
Gjinia: Shkenca politike
Autori: Francis Fukuyama
Shqipëroi: Shpëtim Çuçka, Jorgji Qirjako
Shtëpia botuese: Aiis Tirana Times
Viti: 2012
Fq. 592
Pesha: 0.798 kg
ISBN: 978-9928-4062-5-5

Mbi librin

Në të vërtetë, të gjitha shoqëritë njerëzore dikur ishin të organizuara në baza fisnore, megjithatë, me kalimin e kohës, shumica e institucioneve të reja politike, të krijuara, përfshijnë një shtet qendror për të ruajtur paqen dhe ligje uniforme, që zbatohen për të gjithë qytetarët.

Disa vazhdojnë me krijimin e qeverive që janë përgjegjëse para qytetarëve të tyre. Ne i marrim këto intitucione të mirëqena, por ato mungojnë dhe nuk janë të afta për të vepruar në shumë vende në zhvillim të kohës së sotme dhe shpesh me pasoja shkatërrimtare dhe për pjesën tjetër të botës.

Në veprën "Fillesat e rendit politik", Francis Fukuyama, autori i librit më të shitur "Fundi i historisë dhe njeriu i fundit", na jep një përmbledhje gjithëpërfshirëse se si janë zhvilluar institucionet e sotme kryesore politike. Ai fillon me politikën e stërgjyshërve tanë të parë dhe e vazhdon historinë me daljen e shoqërive fisnore, krijimin e shtetit të parë modern në Kinë, fillimin e rendit ligjor në Indi dhe Lindjen e Mesme, si dhe zhvillimin e llogaridhënies politike në Europë deri në prag të Revolucionit Francez.

Duke shfrytëzuar një masë të madhe dijesh - historinë, biologjinë evolucionare, arkeologjinë dhe teorinë e ekonomisë - Fukuyama na ka dhënë një vepër të shkëlqyer, nxitëse, që na jep një vështrim të gjallë mbi fillesat e shoqërive demokratike dhe ngre çështje të rëndësishme rreth natyrës së politikës.

Mbi autorin

Francis Fukuyama është bashkëpunëtor i vjetër në Institutin e Studimeve Ndërkombëtare "Freeman Spogli" në Universitetin e Stanfordit. Më parë ai ka dhënë leksione në Shkollën e Studimeve Ndërkombëtare të Avancuara "Paul H. Nitze" në Universitetin "John Hopkins" dhe në Kursin e Politikës Publike të Universitetit "George Mason".

Fukuyama ishte studiues në Korporatën RAND dhe ka shërbyer si zëvendësdrejtor i stafit të planifikimit të politikave në Departmentin e Shtetit. Ai është autor i librit "Fundi i historisë dhe njeriu i fundit", "Besimi dhe Amerika në udhëkryq". Ai jeton në Kaliforni.

Komente mbi autorin

"Fukuyamën ia vlen ta lexosh gjithmonë."

"Fukuyama është një mendje e pavarur dhe origjinale, kurse shkrimet e tij nuk janë dukur kurrë se janë bazuar mbi një themel doktrinar. Ai i merr idetë me seriozitet dhe përpiqet të shohë një tablo të madhe... Pikëpamjet e tij mbi politikat amerikane dhe pasojat e tyre meritojnë një vëmendje shumë të madhe."

"I pranon apo nuk i pranon tezat e tij, Fukuyama e ka futur filozofinë serioze politike në diskutimin e çështjeve politike dhe prandaj e ka pasuruar atë në mënyrë të dukshme."

"Fukuyama është një mendimtar vërtet origjinal dhe me ndikim të madh."