Hyrje ne menaxhimin e burimeve njerezore, Banfield, Kay

Titulli: Hyrje në menaxhimin e burimeve njerëzore
Origjinali: Introduction to human resource management
Gjinia: Ekonomi
Autori: Paul Banfield, Rebecca Kay
Shqipëroi: Jonida Bregu
Shtëpia botuese: UET Press
Viti: 2011
fq. 536
Pesha: 0.70 kg
ISBN: 978-99956-39-43-3

Mbi librin

Ky libër është shkruar bashkërisht nga një lektor i burimeve njerëzore (BNJ) dhe nga një specialist i lartë i BNJ-së, të cilët punuan ngushtë për të gjithë kapitujt. Rezultati është shkrirja e perspektivave akademike dhe praktike, të cilat eksplorojnë mënyrën sesi praktikohen dhe përjetohen BNJ-të në vendin e punës dhe kështu libri i kapërcen perspektivat idealiste dhe të pjesshme të shumë librave të tjerë.

Këtu kemi një qasje të plotë dhe të integruar të MBNJ-së, e cila shmang rrezikun që ta paraqesë MBNJ si një seri aktivitetesh të ndara dhe si një funksion të ndarë menaxhimi, të shkëputur nga interesat dhe prioritetet më të gjera organizative dhe të biznesit. Teksti ofron shembuj të shumtë dhe të bazuar në jetën reale. Të gjithë kapitujt ofrojnë një gamë aktivitetesh studentore sfiduese, raste të vogla dhe raste studimore në fund të kapitullit, të cilat mbulojnë një gamë kontekstesh organizative dhe të biznesit, si në Angli ashtu edhe jashtë saj.