Bletërritësi i Alepos, Christy Lefteri

Titulli: Bletërritësi i Alepos

Origjinali: The Beekeeper of Aleppo

Gjinia: Roman

Autori: Christy Lefteri

Shqipëroi: Juliana Llabani 

Shtëpia botuese: Morava

Viti: 2021

Fq. 310

Pesha: 0.380 kg

ISBN: 978-9928-314-27-7

Ky libër është në gjuhën shqipe

Mbi librin

Në verën e vitit 2016 dhe sërish në vitin 2017, autorja e librit punoi si vullnetare në një qendër refugjatësh. Çdo ditë vërshonin në Greqi njerëz të rinj, familje të humbura dhe të frikësuara, kryesisht nga Siria dhe nga Afganistani. Atje kuptoi se njerëzit dëshironin t’i tregonin historitë e tyre. Pavarësisht pengesave gjuhësore, ata donin të flisnin - donin që të tjerët t’i dëgjonin, t’i shihnin. Fëmijët vizatonin figura; vizatonin tullumbace dhe pemë dhe poshtë tyre një çadër dhe një trup të pajetë. Ky ishte realiteti i tyre; kjo ishte ajo që kishin përjetuar.

Kur u khye në Londër C. Lefteri shpresoi që tmerri i asaj që kishte parë dhe dëgjuar të zbehej, por nuk ndodhi. Nuk mundi të harronte asgjë. Dhe kështu vendosi të shkruante një roman si një mënyrë për të treguar historitë e këtyre fëmijëve dhe këtyre familjeve.

“Pyes veten çdo ditë si arritëm këtu, si mund të jetë kaq mizore jeta. Mendimet që kam ma helmojnë zemrën dhe jam vetëm për vetëm me to. Jam i bindur se çdokush këtu po vuan ferrin e vet - është një burrë, që i mban gjunjët e mbledhur dhe e tund veten gjatë gjithë natës dhe këndon. Këndon një ninullë, që ma ngrin zemrën. Dua ta pyes se kujt ia ka kënduar atë ninullë dikur, ose kush ka qenë ai që ia ka kënduar atij këtë ninullë. Por kam frikë nga përgjigjja e tij dhe kështu, në vend që ta pyes, i ofroj cigare. Kjo është gjithçka që mund të bëj, sepse ai ndalon së kënduari për disa minuta, ndërsa pi duhan. Sa do të doja që të çlirohesha nga mendja ime, që të mund të isha i lirë nga kjo botë dhe të shpëtoja nga gjithçka që kam njohur dhe kam parë në këto vitet e fundit. Po fëmijët që kanë mbijetuar - çfarë do të bëhet me ta?! Si do t’ia dalin ata që të jetojnë në këtë botë?”