Shtëpia e fëmijëve në Reindeer Woods, Kristin Omarsdottir

Titulli: Shtëpia e fëmijëve në Reindeer Woods
Origjinali: Hér
Gjinia: Roman
Autori: Kristín Ómarsdóttir
Shqipëroi: Elisa Ivanaj
Shtëpia botuese: Ombra GVG
Viti: 2018
Fq. 232
Pesha: 0.313 kg.
ISBN: 978-9928-06-217-8

Mbi librin

Historia zhvillohet në një vend të humbur, në një shtëpi, diku larg në një fermë. Aty jeton edhe njëmbëdhjetëvjeçarja Billi, e cila një pasdite zbulon se gjendet në një fushë lufte. Çdo gjë ndryshon kur papritmas shfaqen tre ushtarë të armatosur...

Të vetmit të mbijetuar nga kjo rrethanë, janë Rafaeli dhe Billi. Ajo është e detyruar të jetojë vetëm me Rafaelin e dhunshëm në gjendje depresioni dhe i trazuar. Ai është i pafajshëm, prandaj, vendos të braktisë jetën e ushtarit dhe të bëhet fermer, pa marrë parasysh se çfarë do të ndodhë me jetën e tij.

Ky roman, që shpesh ndërthur situata mbresëlënëse halucinative rreth, me një komunikim të frikshëm, ka një mbyllje krejt të ndryshme nga tipologjia e romaneve tradicionalë. Pa dyshim që kjo është një vepër e rëndësishme kundër luftës dhe dhunës në përgjithësi.

Kjo është një vepër me një linjë delikate lirizmi dhe befasuese mbi absurditetin e luftës dhe misteret e fëmijërisë, "Shtëpia e fëmijëve në Reindeer Woods" është një fabul prekëse moderne. "Shtëpia e fëmijëve në Reindeer Woods" tingëllon si një përralle absurde.

Mbi autoren

Kristin Ómarsdóttir, romanciere, poete, dramaturge, dhe piktore, ka lindur në Reykjavík. Ka studjuar Letërsi, spanjisht dhe islandisht në Universitetin e Islandës. Dramën e parë e botoi në vitin 1985 dhe fitoi çmimin e parë në një konkurs që organizohej nga The National Theatre of Iceland.

Nga viti 1980, Ómarsdóttir ka punuar si shkrimtare dhe gazetare e pavarur.
Ajo është nominuar katër herë për Icelandic Literary Prize. Në vitin 2000, romani i saj "My Love I Die" u nominua për The Nordic Council Literature Prize.

Në vitin 2005 ka fituar çmimin prestigjioz Griíman - The Icelandic Performing Arts Awards, me dramën "Tell Me Everything". Libri me poezi "See Your Beauty" u vlerësua me çmimin Fjöruverðlaunin – the Icelandic Women's Literary Prize, në vitin 2008.

Në vitin 2017, Kristín Ómarsdóttir ka marrë çmimin Maístjarnan ose The May Star, një çmim për librin "Spiders in Windows Display", si libri më i mirë me poezi. Përveç shkrimit të novelave, poezive dhe dramave, ajo ka hapur disa ekspozita si artiste vizuale. Disa nga librat e saj janë ilustruruar nga vetë ajo.