Titulli: Dora tjetër
Origjinali: The other hand
Gjinia: Roman
Autori: Chris Cleave
Shqipëroi: Alina Karaulli
Shtëpia botuese: Pegi
Viti: 2017
Fq. 304
Pesha: 0.334 kg.
ISBN: 978-9928-228-85-7
Mbi librin
Ky është rrëfimi me dy zëra i një drame personale, njerëzore dhe shoqërore që ka ndodhur e do të vazhdojë të ndodhë për sa kohë në botë ka varfëri, padrejtësi e luftë. E megjithatë, ky roman lexohet edhe si një rrëfim intim i domethënies së emigrimit, mallit, frikës dhe etjes për liri.
Kjo është historia e një refugjateje dhe e përmasës gjithëpërfshirëse që përmban ky status, që i rrafshon të gjitha dritëhijet e një jete, duke e shndërruar individin në një copë letre, në një dokument, nga i cili varet e drejta e ekzistencës së tij.
Fragment nga libri
... ju kërkoj menjëherë të bini dakord me mua, ju lutem, se një shenjë nuk është kurrë e shëmtuar. Ja, damkosësit kështu duan që të mendojmë ne. Por ju dhe unë duhet të bëjmë një marrëveshje për t'i sfiduar ata.
Ne duhet t'i shohim të gjitha shenjat si bukuri. Mirë? Ky do të jetë sekreti ynë. Sepse, ta keni prej meje, shenja nuk krijohet tek i vdekuri. Shenja do të thotë: "Mbijetova".
Komente mbi librin
"Në një botë plot me turpe dhe padrejtësi, zgjedhjet e guximshme dhe instinktive të personazheve sfidojnë dëshpërimin e pashmangshëm, duke shndërruar një roman politik në një histori triumfuese prekëse dhe njerëzore."
The New York Times
""Dora tjetër" është nga lloji më i mirë i romaneve politike: je pothuajse tërësisht i pandërgjegjshëm për politikën në të, pasi ky libër nuk ka të bëjë me gjëra abstrakte, por me qenie njerëzore."
The Washington Post
""Dora tjetër" është një kalërim ambicioz dhe guximtar nga xhunglat e Afrikës, te një takim tronditës në një plazh, te disa zyra mediatike në Londër dhe te jeta shtëpiake në rrethinat e saj të gjelbra. Pjesërisht thriller, pjesërisht një sagë multikulturore, ky libër i kredh personazhet e tij në çështje si migrimi, globalizmi, dhuna politike dhe përgjegjësia personale."
The Guardian
"Përveç dialogëve me një zgjuarsi të mprehtë, një fabule të ngarkuar me emocione dhe betejave etike të personazheve tejet të gjalla, "Dora tjetër" paraqet edhe një sfidë për të ripërtërirë pikëpamjet tona rreth mirësjelljes njerëzore."
The Independent
