Titulli: Thatësia e gjatë
Origjinali: The Long Dry
Gjinia: Roman
Autori: Cynan Jones
Shqipëroi: Rudi Erebara
Shtëpia botuese: Ombra GVG
Viti: 2016
Fq. 160
Pesha: 0.252 kg.
ISBN: 978-9928-06-154-6
Fragment nga libri
Garreti pret mes fushës së hapur, kur e di se lopa nuk ka për të qenë aty dhe kërcen, del në anë, ku plasaritjet janë të gjera e të thata. Sheh mbi bregun e thatë vendet ku kanë gërmuar vjedullat dhe shtegun e rrahur prej tyre. Nëpër ferra apo aty – këtu rrotull gardhit të telit, po të kërkoni mund të gjeni qime të ashpra gri, pak me të zezë e me të bardhë.
Mund të shohësh gjithashtu tragën e sanës dhe kashtës që ato vjedhin nga lugjet e ushqimit të bagëtisë, për të shtruar vendin ku flenë, të cilin e mbajnë me përpikëri të pastër ose sheh shiltet me fier të kuq.
Aty ka një pemë që ai njeh, një shtog, ku ato shkojnë kruajnë kthetrat për t'i mprehur, duke lënë pjesën e prishur dhe shukat e dheut në lëkurën e ashpër. Ky vend është shumë pranë me vendbanimin, edhe ai e mban sekret të madh ku rrijnë vjedullat, megjithëse ato mund t'i sjellin sëmundje bagëtisë e tokës së tij.
Komente mbi librin
"Thatësia e gjatë është një himn për korruptueshmërinë e mishit. Toni elegjik gjithpërfshirës karakterizohet nga momente të shëmbëllimit befasues dhe një bukurie të thellë lirike. Shpreh drojën ndaj brishtësisë së jetës dhe një respekt të thellë për dinjitetin e të gjitha qenieve të gjalla.
Tema nuk është më pak sesa vendi që ze njerëzimi ndër veprat e botës së natyrshme, drejtuar përmes depërtimesh që të rrëmbejnë duke të futur brenda biznesit të zemrave që rrahin. Një libër i vocërr, shumë i bukur."
Niall Griffiths
"Edhe pse gjuha e Jones është joshëse, ai përdor prozën e tij mahnitëse për të treguar një histori reale në lidhje me realitetin e humbjes dhe pikëllimit."
The Huffington Post
"... Nuk ka dyshim se Cynan Jones është një nga shkrimtarët më të talentuar në Uells – ose, thënë më saktë, i pjesës tjetër të Britanisë."
Independent
