I ngadalti, John M. Coetzee

Titulli: I ngadalti
Origjinali: Slow man
Gjinia: Roman
Autori: John M. Coetzee
Shqipëroi: Myrteza Shini
Shtëpia botuese: Skanderbeg books
Viti: 2007
Fq. 216
Pesha: 0.259 kg.
ISBN: 978-99943-5112-1

Mbi librin

Fotografi Pol Reiment humbet këmbën në një aksident me biçikletë. Nga ai çast jeta e tij ndryshon në mënyrë të pakthyeshme, pavarësisht dëshirës së tij. Pasi refuzon me kokëfortësi vënien e protezës, Poli kthehet i vetmuar në apartamentin e tij në Adelaide.

Ai nuk e duron dot varësinë që ka tani prej të tjerëve; kjo jetë e re është dëshpëruese për të. Në mes të dhimbjes për gjashtëdhjetë vitet e jetës që ka lënë pas, gjendja shpirtërore merr një kthesë të menjëhershme, kur bie në dashuri me Marijanën, infermieren që kujdeset për të në shtëpi, një kroate tepër realiste, e cila bën sa mundet për mbarëvajtjen e familjes së saj në një vend të huaj.

Teksa Poli përpiqet të gjejë mënyrën e duhur për t'i fituar asaj zemrën, në shtëpi i shkon për vizitë Elizabet Kostelo, e cila e fton Polin për të marrë një rol më aktiv në jetën e tij. "I ngadalti" është një meditim i thellë për natyrën njerëzore, për kuptimin e plakjes dhe reflektimin mbi mënyrën se si kemi jetuar.

Përpjekjet e mundimshme të Pol Reimentit janë zëri i pastër dhe i pakompromis i Coetzees. Rezultati është një histori tepër prekëse për dashurinë dhe vdekjen, e që e mahnit lexuesin në secilën faqe të këtij libri.