Versioni i Barnit, Mordecai Richler

Titulli: Versioni i Barnit
Origjinali: Barney's Version
Gjinia: Roman
Autori: Mordecai Richler
Shqipëroi: Pranvera Xhelo
Shtëpia botuese: Dudaj
Viti: 2011
Fq. 588
Pesha: 0.501 kg.
ISBN: 978-99943-0-238-3

Mbi librin

Barni Panofski – i çatdhesuar kanadez, admirues finok i grave, shkrimtar, producent televiziv, tregimtar –vendos, më në fund, që të marrë penën dhe të hedhë në letër, kundërshtinë ndaj akuzave që i bëhen në autobiografinë e rivalit të tij.

Edhe kur shkruan me tone të ashpra për prapësitë bohemiane të viteve pesëdhjetë në Paris, tri martesat e tij të trazuara apo për kompaninë e tij të suksesshme televizive, të dorës së fundit, "Totally Unnecessary Productions", nuk kalon shumë dhe tregon se kujtesa e tij mund të ketë filluar të pësojë të çarat e para, por gjaknxehtësia ama, funksionon me ngarkesë të plotë.

Por, kur akuzohet për vrasjen e mikut të tij më të ngushtë – i kapur mat në shtrat me Zonjën e Dytë Panofski – versioni i ngjarjeve që jep Barni, mund të mos jetë i mjaftueshëm për ta mbajtur atë larg telasheve.

Komente mbi librin

"Njëherazi, i këndshëm që të biesh përmbys, zemërak dhe sfilitës në mënyrë të dhimbshme."

The Dallas Morning News

"I ndërtuar dhelpërisht për një pritshmëri maksimale dhe të qeshura pafund. ... i harlisur."

Time

"Rihleri tipik: i këndshëm, i ashpër dhe prekës."

San Francisco Examiner

"Qëllimi i Rihlerit është ende vdekjeprurës... me një humor therës dhe magji follstafiane."

The New York Times Book Review

Mbi autorin

Mordecai Richler lindi në Montreal, në vitin 1931. Romanet e tij më të suksesshme janë "Stazhi i Dadi Kravicit", "Kalorësi i Shën Urbanit", "Solomon Garski ka qenë këtu" dhe "Versioni i Barnit". Richleri ndërroi jetë në 2001.