Titulli: Zonja Marta Ouli
Origjinali: Fru Marta Ouli
Gjinia: Roman
Autori: Sigrid Undset
Shqipëroi: Myrteza Shini
Shtëpia botuese: Skanderbeg Books
Viti: 2009
Fq. 152
Pesha: 0.18 kg
ISBN: 978-99943-51-14-5
Mbi librin
"Unë nuk i kam qëndruar besnike burrit tim", thotë Marta e Undsetit. Personazhi i këtij romani është një Martha si e Biblës, një grua që përkujdeset, por ajo është edhe një Martë e zakonshme, e cila diskuton në publik, që feston deri vonë dhe është e pavarur ekonomikisht.
Marta është një grua që qëndron e pavarur ndaj të dyja botëve, asaj të burrit dhe të dashurit, por që në fund i braktis që të dyja. Pas vdekjes së të shoqit, ajo nuk martohet me të dashurin. Në këtë paradoks qëndron pjesërisht identiteti modern i personazhit kryesor të Undsetit. Por njëra anë e jetës nuk zë më asnjë vend në këtë identitet të ri.
Pra, Zonja Marta Ouli vendos të jetojë pa një partner, që do të thotë, një jetë pa seksualitet dhe erotikë. Pranimi i idesë që erotika është pjesë e pandashme e jetës moderne dhe vendimi i personazhit kryesor për të jetuar pa asnjë partner, është kumti i dyfishtë i këtij romani. Historia e Martës mbaron midis tensionit të dëshirës për të qenë moderne dhe refuzimit të kësaj jete moderne.
Zonja Marta Ouli është e gruaja e një shekulli më parë, por është një grua që jeton në ditët tona. Duket se asgjë nuk ka ndryshuar nga thelbi i vërtetë i gruas, mes sentimentit dhe modernitetit të saj të përjetshëm, që është thelbi i kërshërisë së këtij libri.
