Akabadora, Nena e fundit, Michela Murgia

Titulli: Akabadora, Nëna e fundit
Origjinali: Accabadora
Gjinia: Roman
Autori: Michela Murgia
Shqipëroi: Beti Njuma
Shtëpia botuese: Pegi
Viti: 2012
Fq. 170
Pesha: 0.20 kg
ISBN: 978-9928-162-05-2

Mbi librin

Kjo është historia prekëse e Teto Bonarisë, rrobaqepëses së vjetër, që merr një bijë për shpirt, pikërisht Marian e vogël. Sekretet e dëshirat e zemrës të së resë përzihen me të fshehtat e një të moshuare; në këtë alkimi shekullore gjejmë edhe paragjykimet, që falë izolimit të tyre gjeografik, ngjajnë kaq shumë me shqiptarët.

"Acabar" në spanjisht do të thotë të përfundoj. Në gjuhën sarde "accabadora" quhet ajo që i jep fund. Në sytë e bashkësisë ku jeton, veprimi i saj është ai i një vrasëseje, por veprimi i dhembshur i atij që ndihmon fatin të përmbushet. Pikërisht kjo, është nëna e fundit.

Komente mbi librin

"Do të gjeni më shumë dashuri se vdekje në këto faqe dhe një stil që vizaton çdo personazh, çdo fjali, me të njëjtin kujdes me të cilën Teto Bonaria qëndis sythat."

L' Espresso

"Romani shtron një pyetje të rëndë, të qenësishme. Eleganca e shkrimit, arti i të treguarit dhe humori i shkrimtares i japin historisë një lehtësi befasuese."

Le Monde

"Një meditim prekës mbi jetën, vdekjen dhe aftësinë e dashurisë për të lidhur, tejkaluar e liruar."

Publishers Weekly

Fragment nga libri

"Fillus de anima.Kështu i quajnë fëmijët që lindin për së dyti nga mjerimi i një gruaje dhe shterpësia e një tjetre. Maria Listru ishte bija e asaj lindjeje të dytë, fryt i vonë i shpirtit të Bonaria Urratit. Kur plaka ishte ndalur nën pemën e limonit për të folur me Ana Tereza Listrun, të ëmën e Marias, vajza ishte gjashtë vjeçe dhe meseleja e gabur pas tri të saktave.

Të motrat tashmë ishin zonjusha, ndaj ajo, luante përdhe me kujdesin e një gruaje të vogël, dukë përgatitur një tortë balte të mbrujtur më milingona të gjalla. ... Kur vajza ngriti kokën nga balta, pa pranë saj, në kundërdritë, Teto Bonaria Urrain, që buzëqeshte me duart e mbështetura mbi barkun e thatë, e ngopur me dicka që Ana Teresa Listru sapo ia kishte dhënë. Se çfarë kishte qenë, Maria e kuptoi me saktësi vetëm kohë më pas.