Titulli: Eklipsi, Libri i Tretë
Origjinali: Eclipse
Gjinia: Roman
Autori: Stephenie Meyer
Shqipëroi: Marsida Gjonçaj
Shtëpia botuese: Morava
Viti: 2010
Fq. 520
Pesha: 0.651 kg.
ISBN: 978-99956-26-62-4
Fragmente nga libri
"Bela?" Nga prapa kurrizit dëgjova zërin e ëmbël të Eduardit. U ktheva ta shihja tek kërcente lehtë mbi shkallët e verandës, me flokët e shpupuritur nga era prej vrapit. Më tërhoqi menjëherë në krahët e tij ashtu siç pat bërë te parkingu dhe më puthi sërish.
Ajo puthje më frikësoi. Kishte shumë tension në të, ishte shumë e fortë mënyra sesi ai i ngjeshi buzët pas të miave, sikur të ishte i frikësuar, se nuk na kishte mbetur shumë kohë.
Në atë heshtje të sikletshme, të gjithë hollësitë filluan të më lidheshin logjikisht. Diçka që Eduardi nuk donte ta merrja vesh. Diçka që Xhekobi nuk do të ma kishte fshehur kurrë. Diçka që kishte mbledhur Kullenët dhe ujqërit bashkë në pyje, rrezikshmërisht pranë njëri – tjetrit. Diçka që unë e dija se do të ndodhte sërish, sado që uroja me shpirt të mos ndodhte më. S'do merrte ndonjëherë fund?
Mbi librin
Ndërkohë që Siatëlli kanoset në një seri vrasjesh të mistershme dhe një vampire e pamëshirshme vazhdon të kërkojë hakmarrje, Bela gjendet sërish e rrezikuar. Mes gjithë kësaj, asaj i duhet të zgjedhë mes dashurisë së saj për Eduardin dhe miqësisë me Xhekobin, duke e ditur që vendimi i saj ka mundësi që të rindezë betejën e përjetshme mjes vampirëve dhe njerëzve-ujq.
Ndërkohë që dita e diplomimit po afrohet me të shpejtë, Bela duhet të marrë edhe një vendim tjetër: jetën a vdekjen. Mbi autoren Stephenie Meyer ka studiuar në Brigham Youn University dhe është diplomuar për letërsi angleze. Ajo jeton me bashkëshortin dhe tre djemtë e saj në Arizona. Pas librit të saj të parë "Muzgu", librarët e përzgjodhën si një nga autoret më premtuese të vitit 2005.
