"Historia e gruas së fotografit” është emri me të cilin e njohin të gjithë, ato pak herë që e përdorin, por, në të vërtetë, ajo është edhe historia e vetë fotografit, ose më saktë, është historia e teorisë së tij mbi rëndësinë e gjërave të vogla.
Përrallat e treguara nga Mitrush Kuteli përbëjnë pjesën më të rëndësishme të letërsisë shqiptare, një frymëzim për një numër të madh veprash të tjera letrare që pasuan përgjatë dekadave. Tregime të Moçme Shqiptare përbën një klasik të të gjitha kohërave.
Për shumë vite me radhë Enver Hoxha i imponoi historisë versionin e tij. Ai rezulton i paturpshëm për t'i transformuar ngjarjet, për t'i fshirë ose zhdukur personazhet dhe për të ngritur në histori një protagonist të vetëm: atë vetë.
Duke lexuar "Prillin e thyer" kuptohet lehtësisht përse dhe me çfarë force Ismail Kadare është pasionuar për tragjedinë dhe për dy përfaqësuesit më të shquar të saj, Shekspirin dhe Eskilin. "Miku, besa dhe gjakmarrja janë rrotat e mekanizmit të tragjedisë antike, dhe të futesh në mekanizmin e tyre është të shikosh mundësinë e tragjedisë."
Lista e librave të autorit ose përkthyesit Zygmunt Bauman
Zygmunt Bauman (19 Nëntor 1925 – 9 Janar 2017) ishte një sociolog dhe filozof polak. Ai u përzu nga Polonia në vitin 1968 nga një spastrim politik i organizuar nga qeveria komuniste e Republikës Popullore të Polonisë dhe u detyrua të heqë dorë nga shtetësia polake për t'u vendosur në Mbretërinë e Bashkuar. Ai jetoi në Angli nga viti 1971 dhe u bë profesor i sociologjisë në Universitetin e Lidsit, më vonë, profesor Emeritus. Bauman është një nga teoricienët socialë më të njohur të botës përmes temave të larmishme, të tilla si moderniteti dhe holokausti, konsumerizmi postmodern dhe moderniteti i lëngshëm.
Dy vepra të rëndësishme të tij janë në qarkullim në gjuhën shqipe. Moderniteti dhe Holokausti flet për atë çfarë mund të na mësojë sociologjia për Holokaustin, por flet në hollësi edhe për mësimet e Holokaustit për sociologjinë. Ai nxjerr në pah se si domethënia e Holokaustit rrezikon të lihet mënjanë në të kuptuarin tonë të modernitetit dhe është sjellë në shqip nga shtëpia botuese Pika Pa Sipërfaqe me përkthimin e Enis Sulstarovës.
Moderniteti i lëngët (Liquid Modernity) na flet për tranzicionin nga moderniteti "i ngurtë" në atë "të lëngët", zhvendosja nga një botë në të cilën njerëzit përpiqen të krijojnë struktura të ngulitura e të mirërenditura, në një botë ku vetë idetë e rendit dhe stabilitetit nuk kanë më kuptim, një botë në të cilën ndryshimi është e vetmja qendrueshmëri dhe pasiguria e vetmja siguri. Ky libër është sjellë në shqip nga Dritan Xhelo.
Ky libër brilant i Zygmunt Bauman – it flet për atë çfarë mund të na mësojë sociologjia për Holokaustin, por flet në hollësi edhe për mësimet e Holokaustit për sociologjinë. Ai nxjerr në pah se si domethënia e Holokaustit rrezikon të lihet mënjanë në të kuptuarin tonë të modernitetit.
Tranzicioni nga moderniteti "i ngurtë" në atë "të lëngët" është zhvendosja nga një botë në të cilën njerëzit përpiqen të krijojnë struktura të ngulitura e të mirërenditura, në një botë ku vetë idetë e rendit dhe stabilitetit nuk kanë më kuptim, një botë në të cilën ndryshimi është e vetmja qendrueshmëri dhe pasiguria e vetmja siguri.
