Lista e librave të botuesit Ideart

Me këtë parabolë përkushtimi, vetmie, shprese dhe humbjeje, John Stainbeck krijoi portretet e fuqishme të dy burrave që rropaten të kuptojnë vendin e tyre unik në botë. Duke u mbërthyer te njëri-tjetri, në vetminë, mbylljen në guackë dhe armiqësinë ndaj ambientit rrethues, Xhorxhi dhe shoku i tij mendjelehtë, Leni, ëndërrojnë siç bëjnë bredharakët, për...

Avokat dhe drejtues i një kompanie të madhe sigurimesh, poeti i madh amerikan e kërkoi poezinë jo në realitetin e përditshëm, por brenda vetes, duke thurur një rrjetë të veçantë e të habitshme aluzionesh dhe iluzionesh, ku idetë dhe mitet ushqejnë "fiksionin suprem".

Ditën në të cilën u përgatit materiali për botimin e librit, ishin ushtarët ata që punuan në fabrikën e letrës. Lëndët e para të furnizuara nga komisariati, pambuk e lecka, u duk ashiqare që nuk mjaftonin, e ushtarët hodhën brenda brumit veshje e fasha, trofetë e luftës, flamujt e armikut.

Schopenhauer është më i lexuari ndër filozofët gjermanë. Ai është i njohur si mendimtar sfidues, progresist dhe personalitet me ndikim të madh te njerëzit. Ky libër jep një shpjegim të përmbledhur të sistemit të tij metafizik, duke u përqendruar tek aspektet origjinale të mendimit të tij.

Shopenhaueri ka pasur pak përkrahës dhe asnjëherë nuk themeloi një shkollë të mendimit. Ndikimi i tij mbi filozofinë e mendimit qe shumë i gjerë. Prej kësaj filozofie morën shtysë dhe u frymëzuan breza të tërë artistësh, që nga Vagneri deri te Vitgenshtaini.

Jürgen Habermas është një ndër filozofët e gjallë më me ndikim në kohët moderne. Në shkrimet e tij ndërthuren teoritë sociale, morale, politike dhe ligjore duke shqyrtuar tema që shkojnë nga marksizmi e deri tek Bashkimi Europian, si dhe rolin e komunikimit dhe ligjëratës në botën bashkëkohore.

Libri është konceptuar si një poemë me 4 pjesë dhe 17 këngë. Ai është fitues i çmimit “Lasgush Poradeci”, si libri poetik më i mirë i vitit 2010, me poemën “Ndreqje gabimesh”, me këtë vlerësim: “Për monologun e subjektit poetin kompozuar përmes imazheve metafizike, intime e meditative, si rrugë e komunikimit maksimal me trajtat e rrëshqitshme të femrës,...

Nuk do mundja kurrë të them se Charlotte pati hyrë në jetën time. Kjo gjë nuk mund të bëhej e mundur. Tek unë hyhej lehtësisht, dera e dhomës sime pothuaj nuk kyçej ndonjëherë. Shumë rrallë mund të ndodhte. Çdokush kish hyrë me lehtësinë më të madhe. E gjithë kjo lehtësi nuk do mund të nënkuptonte hyrje në jetën e dikujt.

Sa rëndon mbi ne e shkuara, e jona e etërve, e gjyshërve? Sa e mbajnë mbi vete pasardhësit barrën e dhimbjes e padrejtësitë që ndjenë të parët? 

Teksti ka formën e një traktati autobiografik mbi artin dashuror dhe lexohet me kënaqësi falë ironisë dhe frymës groteske me të cilën rrëfehen bëmat e këtij donzhuani futurist.

Titulli: Poeteka 16Revistë e poezisë dhe e kulturës poetikeViti i gjashtë i botimitDimër 2009 - 2010f. 136Pesha: 0.29 Kg.Mbi revistënNë të, përveç rubrikave të përhershme (poezi shqipe, poezi e përkthyer, kritikë

Arian Leka lindi në Durrës në vitin 1966. Ka botuar fillimisht prozë të shkurtër e më pas poezi, ese, roman, përkthime, vjersha për fëmijë dhe ritregime të legjendave e miteve.