Lista e librave të autorit ose përkthyesit Rita Petro

Abetarja e parë zanore në gjuhën shqipe. Duke shtypur butonët zanorë, fëmijët dëgjojnë shkronjat, fjalët e fjalitë dhe i mësojnë ato në mënyrë argëtuese. Në libër ata do të gjejnë situata me personazhe nga bota e kafshëve, të ilustruara plot ngjyra dhe fantazi.

Legjendat janë rrëfime fantastike, të cilat kalojnë gojë më gojë dhe ndryshojnë sipas këndvështrimit të atij që tregon. Por thelbi poetik i tyre mbetet i njëjtë. Sado imagjinare që të jenë legjendat, ato kanë një bazë të vërtetë dhe kjo është ajo që kemi sjellë dhe ne me këtë libër: kemi rrëfyer legjendat për vende e vise shqiptare sipas mënyrës sonë.

Autorja triumfon artistikisht me veprën e saj falë lirisë së egos që ka, jeton diku ku nuk ka smirë, egoizëm, vrasje, kriza, ajo bën jetën nën mbretërinë e pakushte të pasionit, diku në thellësinë e natyrës njerëzore, ku s'ka ideologji as diktaturë, kah nuk ka qarkulluar bibël as kuran.

E lirë dhe pasionante është Rita Petro në jetë, e tillë edhe poezia e saj: një rast ky atipik për letrat shqipe, kur thelbi i poezisë së një autori përputhet me thelbin e qenies së tij. Dhe rezultati është aq i perceptueshëm, sa efekti i tij gati të tremb: Rita Petro u jep shpirt pasioneve që ne të shumtit nuk guxojmë t'i rrokim as me mendje!

Rita Petro është një poete me poezinë e së cilës bie në dashuri me “leximin e parë”.