Evropa Politike, Robert Soin

Titulli: Evropa politike, historia, krizat, zhvillimet dhe perspektivat e proceseve të integrimit
Origjinali: L'Europe politique, histoire, crises, dèveloppements et perspectives des processus d'intègration
Gjinia: Shkenca politike
Autori: Robert Soin
Shqipëroi: Fatmir Guri
Shtëpia botuese: Papirus
Viti: 2008
Fq. 232
Pesha: 0.299 kg
ISBN: 978-99943-976-2-4

Mbi librin

Ky libër përmbledh:

• Një sintezë leksionesh të strukturuara.
• Pjesë nga tekstet e autorëve të mëdhenj klasikë dhe të punonjësve shkencorë bashkëkohorë.
• Pika referimi për fenomenet më të rëndësishme ekonomike dhe sociale.
• Shembuj që ilustrojnë dhe konkretizojnë refleksionin.

E dallueshme nga shtetet dhe kombet, Evropa politike është në zhvillim të vazhdueshëm qysh prej një shekulli dhe paraqitet si "një formë politike e re dhe e papërfunduar, si një tërësi procesesh integruese". Në të vërtetë ndërtohen njëherazi shumë Evropa politike, apo më saktë, çdo vend anëtar merr pjesë në ndërtimin e shumë Evropave politike: Evropa e modelit social, Evropa e përfaqësimit ndërkombëtar, Evropa e qytetarisë dhe e të drejtave të evropianëve.

Megjithatë, perspektiva afatgjatë e Evropës vendoset nga dëshira e përbashkët për të ndërtuar një qeverisje ekonomike dhe monetare origjinale. Edhe pse sot Evropa po kalon një nga krizat më të rënda të historisë së saj, krizën e rritjes, krizën e identitetit, krizën institucionale, krizën e përfaqësimit politik, asgjë nuk na lejon të pohojmë se eksperienca evropiane është e destinuar të mbetet në vend apo të humbasë.