Kategoritë

Prodhuesit

Furnizuesit

Vajza daneze, David Ebershoff Shihe të plotë

Vajza daneze, David Ebershoff

I vendosur në shkëlqimin e Kopenhagës, Parisit dhe Dresdenit të viteve 1920, romani zbulon kufijtë e seksit dhe gjinisë, martesës e dashurisë si dhe rrugën drejt gjetjes së vetvetes. Frymëzuar nga një histori e vërtetë, ky portret delikat ngre pyetjen: ç'duhet të bësh kur njeriu që do papritmas ndryshon?

Info shtesë

Disponueshëria: Në gjendje

$14.09

Titulli: Vajza daneze
Origjinali: The danish girl
Gjinia: Roman
Autori: David Ebershoff
Shqipëroi: Jorgji Qirjako
Shtëpia botuese: Dituria
Viti: 2016
Fq. 316
Pesha: 0.412 kg.
ISBN: 978-9928-217-30-1

Mbi librin

I vendosur në shkëlqimin e Kopenhagës, Parisit dhe Dresdenit të viteve 1920, romani zbulon kufijtë e seksit dhe gjinisë, martesës e dashurisë si dhe rrugën drejt gjetjes së vetvetes. Frymëzuar nga një histori e vërtetë, ky portret delikat ngre pyetjen: ç'duhet të bësh kur njeriu që do papritmas ndryshon?

Gjithçka nis me një pyetje, me një kërkesë të thjeshtë për ndihmë që ajo i bën bashkëshortit, teksa pikturojnë në studion e përbashkët, duke i hapur udhë shndërrimit që nuk i shkonte në mend askujt.

Si bashkim i së vërtetës me trillin, për të krijuar një vepër të veçantë me tis romantik, "Vajza daneze" portretizon me rrjedhshmëri intimitetin e veçantë që karakterizon çdo martesë, historinë mbresëlënëse të Lili Elbës, nismëtares së ndryshimeve transgjinore, si dhe gruan e dyzuar mes besnikërisë ndaj martesës dhe dëshirave e ambicies vetjake.

Proza e shkëlqyer dhe zhbirimi emocional e bëjnë "Vajzën daneze", deri në faqen e fundit, një roman shumë prekës dhe një nga historitë më të zjarrta e të pazakonta të dashurisë në shekullin e njëzetë.

Komente mbi librin

"Roman me bukuri dhe finesë të pakrahasueshme. Histori e habitshme dhe prekëse dashurie."

Chicago Tribune

"Një vepër e mrekullueshme artistike... "Vajza daneze" është hapi i parë i guximshëm i Ebershoffit si shkrimtar, të cilin ai e ndërmerr me hijeshi, bukuri dhe zgjuarsi."

The Boston Globe

"Ebershoffi u kushton shumë vëmendje hollësive. Faqet e romanit janë të mbushura me ngjyra, aroma dhe ndjesi... mënyrë përfshirëse të shkruari, tepër delikate."

San Francisco Chronicle