Titulli: Mitologjitë
Origjinali: Mythologies
Gjinia: Filozofi
Autori: Roland Barthes
Shqipëroi: Persida Asllani
Shtëpia botuese: Pika pa sipërfaqe
Viti: 2016
Fq. 304
Pesha: 0.323 kg.
ISBN: 978-9928-185-28-0
Fragment nga libri
Në fakt, çdo stepje për kulturën është një pozicion terrorist. Të jesh kritik me profesion dhe të shpallësh se nuk kupton asgjë nga ekzistencializmi apo marksizmi (sepse janë zakonisht këto filozofi që pohojmë se nuk kuptokemi), do të thotë ta shndërrosh verbërinë apo memecërinë tënde në aksiomë universale të perceptimit, do të thotë të fshish prej kësaj bote marksizmin dhe ekzistencializmin: "Nuk kuptoj, pra jeni ju idiotë".
Por nëse te një vepër u druhemi apo i përbuzim kaq shumë bazat filozofike, dhe nëse kërkojmë me forcë të drejtën për të mos kuptuar e për të mos thënë asgjë, atëherë përse duhet të bëheni kritikë?
Të kuptosh, të kthjellosh është në thelb profesioni juaj. Sigurisht që mund ta gjykoni filozofinë në emër të gjykimit të shëndoshë; belaja është se në qoftë se "gjykimi i shëndoshë" dhe "ndjenja" nuk marrin fare vesh nga filozofia, filozofia, nga ana e saj, i kupton fort mirë. Ju nuk i shpjegoni dot filozofitë, por ato ju shpjegojnë juve.
