Titulli: Meteori ndëshkues
Kategoria: Roman
Autori: Setki Jashari
Botues: ADA
Viti: 2022
Fq: 452
Pesha: 0.570 kg
ISBN: 978-9928-362-73-5
Ky libër është në gjuhën shqipe
Mbi librin
Pas shembjes së komunizmit, periudha e tranzicionit eksplodoi me gëzimin e lirisë dhe çlirimin e energjisë së ndrydhur të shoqërisë shqiptare, shoqëri e izoluar për një kohë të gjatë, por dhe nga pritshmëria sociale për lumturi të menjëherëshme, do të zhgënjejë mjaft anëtarë të shoqërisë që kishin vështirë përshtatjen dhe pranimin e sfondit anarkik. Në shkrimet letrare filloi epoka e re e pasqyrimit me realizëm të jetës shoqërore, jashtë skemave ideologjike.
Prozatori, Setki Q. Jashari, i cili iu përkushtua demokracisë dhe përparimit shoqëror, po bënte një jetë dinamike, brenda dhe jashtë Shqipërisë duke njohur nga afër peripecitë dhe vuajtjet e emigrimit të paligjshëm. Kjo përvojë i dha autorit mundësi të mëdha njohjeje dhe lëndë të begatë për t’u përkthyer në vepra letrare. Setki Q. Jashari e çel siparin e tij të rrëfimit në prozën e gjatë me romanin “Emigranti fisnik”, ndërsa romani i tij i dytë “Meteori ndëshkues”, paraqet pikërisht momente psikomentale të fazës më të vështirë të tranzicionit shqiptar.
Te personazhi kryesor i romanit, Ramires Isaros, gjejmë të mishëruar përfaqësuesin tipik të intelektualit të ri, që nuk bën kompromis me dukuritë negative të kohës, dhunimin e të drejtave njerëzore dhe duke e vënë atë përballë ndryshimeve të mëdha, autori ia ka dalë të zbërthejë një sërë konceptesh dhe alternativash krijuese, që adaptohen në kontekstin e ri shoqëror dhe politik, në kushtet e lirisë dhe të ruajtjes së balancës midis traditës, si kod nacional dhe atij moralo-shoqëror në transformim.
