Titulli: Darka e Berlinit (kopertinë e trashë)
Origjinali: Darka e Berlinit
Gjinia: Tregime
Autori:Bahri Myftari
Shtëpia botuese: Onufri
Viti: 2015
Fq. 160
Pesha: 0.392 kg.
ISBN: 978-9928-186-49-2
Komente mbi librin
"Studiues të ndryshëm, kryesisht të tregimit, i kanë përqasur tregimet e Bahri Myftarit me ato të Markezit, përqasje që na duket e drejtë. Ky pohim buron më tepër prej poetikës së tregimeve të tij. Por jemi të mendimit se një përqasje më e motivuar mund t'u bëhet tregimeve të Myftarit me tregimet e Krostarit dhe Karpentierit.
Ndërsa me të parin e afron më shumë sintaksa, një sintaksë e saktë dhe e drejtpërdrejtë; pa fjali të shumta nënrenditëse dhe bashkërenditëse; pa ligjërata komentuese e stërhollime baroke; me Karpentierin e afron prirja për ta çuar drejt skajeve kohën reale dhe kthesat e papritura që shkrimtari u jep zhvillimit të personazheve dhe ngjarjeve."
Dr. A. Jakllari
"Ka shkrimtarë të cilët gjatë jetës së tyre krijuese jetojnë midis krijimit dhe publicitetit, ndërkohë disa syresh i bezdis publiciteti dhe media në përgjithësi, pasi u duket sikur u vjedhin heshtjen e nevojshme, u rrëmbejnë thjeshtësinë aq të domosdoshme për krijuesin. Te të dytët bën pjesë edhe shkrimtari Bahri Myftari, një shkrimtar larg lëvdatave, i vetëdijshëm për vlerat e tij krijuese afatgjata.
Në një vështrim të imët që i kam bërë tregimeve të këtij autori, e them me bindje të plotë se proza e tij është një nga arritjet e letërsisë sonë këtyre dekadave të fundit. Si për nga tematika, ashtu dhe për nga cilësia, ajo qëndron denjësisht përkrah emrave më të njohur të prozës sonë. "Shkrimtari shpirtëron botën", thotë Sartri. Bahri Myftari ndër këto dekada, kryen për bukuri këtë mision..."
Dr. Koçi Petriti
"Bahri Myftari, një shkrimtar i njohur me disa libra në gjininë e prozës, një lëvrues i veçantë i tregimit të shkurtër, shpesh madje edhe me qasje të magjikës shkrimore, përfaqëson shkrimtarin e vërtetë dhe me profil të veçantë artistik në letërsinë shqipe."
B. Gjoka
"Gërshetimi i realizmit të thellë me atë të realizmit magjik aq i njohur dhe i arrirë te shkrimtari i madh, Markezi, e gjejmë shpesh dhe me sukses edhe te tregimtari ynë."
V. Koreshi
"Ka ecur me guxim e me vendosmëri në udhën e letërsisë që merr përsipër barrën të pasqyrojë me përgjegjësi dhe me art kohën, të vërtetën dhe vlerat e saj, në këtë vështrim, Bahri Myftari me kontributin e vet tepër të veçantë, bën pjesë në plejadën e shkrimtarëve të shquar."
P. Jorgoni
