Titulli: Nën ujë
Origjinali: Into the water
Gjinia: Roman
Autori: Paula Hawkins
Shqipëroi: Taulant Hatia
Shtëpia botuese: Morava
Viti: 2018
Fq. 336
Pesha: 0.423 kg.
ISBN: 978-9928-208-55-2
Mbi librin
Ditët e fundit para vdekjes, Nela i telefonon së motrës. Xhulsi nuk e ngre telefonin dhe nuk ia vë veshin thirrjes së saj për ndihmë. Tani, Nela ka vdekur. Thonë që u hodh vetë. Kurse Xhulsi u kthye në një vend, të cilin mendonte se e kishte lënë përgjithmonë pas shpine, për t'u kujdesur për vajzën adoleshente që la pas e motra.
Por Xhulsi ndien frikë. Është shumë e frikësuar, nga kujtimet që i ka varrosur prej kohësh, nga mulliri, nga bindja se Nela nuk do ta vriste kurrë veten. Dhe, më shumë nga çdo gjë tjetër, i trembet ujit, vendit që e quajnë Pellgu i Mbytjes...
Një nënë beqare gjendet e vdekur në fund të lumit që rrjedh përmes qytezës. Më herët, gjatë po asaj vere, një vajzë e brishte adoleshente pësoi të njëjtin fat. Ato nuk ishin gratë e para që humbën jetën në ujërat e errëta, por vdekja e tyre e trazoi lumin dhe historinë e tij, duke nxjerrë në dritë sekretet e fshehura prej kohësh.
Një vajza pesëmbëdhjetëvjeçare mbetet jetime. Pa prindër dhe pa miq, e sheh veten nën kujdestarinë e tezes, një grua e panjohur që u kthye në vendlindjen e saj për shkak të tragjedisë, në një vend ku ishte betuar se nuk do të shkelte më kurrë.
Me të njëjtën forcë shprehëse dhe mendime të mprehta mbi instinktet njerëzore, me të cilat tërhoqi miliona lexues anembanë botës përmes librit të saj të parë shpërthyes "Vajza në tren", Paula Hawkins na paraqet tani një histori mahnitëse, plot kthesa dhe thellësisht të ndjerë, e cila tregon se sa "mashtruese" mund të jenë emocionet dhe kujtimet, por edhe se në ç'mënyrë shkatërrimtare mund ta zgjasë e shkuara dorën drejt së tashmes.
Komente mbi librin
"Një roman policor bashkëkohor dhe tërheqës... të mban të tendosur, ndërsa komploti të bën të shtrosh qindra hamendësime."
People Magazine
"Jashtëzakonisht tërheqës... të gjitha këto intriga shpalosen me mjeshtëri mbresëlënëse nga Paula Hawkins, e cila na tregon një histori të ndërlikuar... në formën e një kronike, faqet e fundit të së cilës përmbajnë zbulime mahnitëse."
The Wall Street Journal
