Ditar i pashkruar, Celeste Ng

Titulli: Ditar i pashkruar
Origjinali: Everything I never told you
Gjinia: Roman
Autori: Celeste Ng
Shqipëroi: Erdi Ibro
Shtëpia botuese: Botimet Living
Viti: 2016
Fq. 252
Pesha: 0.411 kg.
ISBN: 978-9928-216-04-5

Mbi librin

"Lidia ka vdekur, por këtë nuk e di ende askush." Kështu fillon ky roman i mrekullueshëm që flet për një familje aziatiko-amerikane që jetonte në një qytet të vogël të Ohajos në vitet 1970. Lidia është vajza e parapëlqyer e Marlin dhe Xhejms Lisë dhe prindërit e saj janë të vendosur që ajo të përmbushë ëndrrat që ata nuk arritën t'i realizonin njëherë e një kohë.

Por kur trupi i saj gjendet në liqenin e qytetit, ekuilibri që e mbante familjen Li të bashkuar, prishet, duke e kthyer në një familje kaotike. Një histori mjaft prekëse e sekreteve dhe e dëshirave të një familjeje.

"Ditar i pashkruar" është një libër i mbushur me emocione, në të cilin përshkruhet jeta e një familjeje dhe nxjerr në pah mënyrat se si nënat dhe vajzat, baballarët dhe djemtë, bashkëshortët dhe bashkëshortet përpiqen gjatë gjithë jetës të kuptojnë njëri-tjetrin.

"Ditar i pashkruar", një roman i mbushur me emocione në të cilin përshkruhet jeta, mosmarrëveshjet dhe pikëllimi i nje familjeje. i shpallur si libri më i mirë nga amazon.com për vitin 2014.

I përzgjedhur nga botuesit e New York Times Book Review si fitues i çmimit "Alex". I përzgjedhur si libri më i mirë i vitit nga NPR San Francisko Chronicle Entertainment Weekly, The Huffington Post, Amazon, Buzzfeed, Grantland Booklist, St. Louis Post-Disptach, Shelf Awarness, Book Riot School Library Journal, Bustle, Time Out New York.

Komente mbi librin

"Ng-ja i zhvendos ngjarjet plot mjeshtëri... duke krijuar një sërë misteresh dhe duke nxjerrë në pah një sërë të vërtetash që të çojnë të gjitha te pyetja fillestare: çfarë i ndodhi Lidias?... Një kryevepër!"

Los Angeles Review of Books

"Jashtëzakonisht prekëse... Një vepër e shkruar me mjaft mjeshtëri dhe që analizon mosmarrëveshjet dhe pikëllimin e një familjeje. Aty do ta gjejnë veten të gjithë ata që kanë përjetuar një dramë familjare."

The Boston Globe

"Shumë e thellë. Me mjeshtëri dhe forcë bindëse, autorja ilustron mënyrën se si disa humnera në komunikim nuk mund të mbushen kurrë."

San Francisco Chronicle

"Në këtë roman, autorja i ka vënë dy qëllime vetes: të sjellë një libër emocionues dhe të rrëfejë një histori përtej ngjarjes që ka ndodhur... Këtu shohim se shfaqet portreti i ndjerë i një familjeje që përpiqet të gjejë vendin e saj në histori, dhe i një vajze të re që shpreson ta realizojë këtë. Në fund të fundit, ky është një roman që flet për barrën e rëndë të të qenit i pari brenda llojit, një barrë së cilës jo gjithmonë i mbijeton."

Alexander Chee, the New York Times book review

"Një vepër e arrirë... Një vepër e trishtueshme. Celeste Ng arrin që me zotësinë e saj të ndërtojë një roman kaq kompleks, që u përket brezave të ndryshëm. "Ditar i pashkruar" është një libër i këndshëm, e cili hedh dritë mbi të fshehtat që mbajnë të bashkuar një familje amerikane dhe që njëkohësisht e përçajnë atë."

Los Angeles Times

"Një rrëfim misterioz dhe një depërtim i thellë në jetën e një familjeje të përzier... një vepër shpërthyese."

Entertainment Weekly

"Një libër plot mjeshtëri dhe emocion... Temat e shoqërizimit të sjella nga autorja ndërthuren për të rrëfyer një histori të ndjerë dhe plot emocion."

O. The Oprah Magazine