Titulli: Gramatika e gjuhës shqipe
Origjinali: Gramatika e gjuhës shqipe
Gjinia: Gjuhësi
Autori: Bahri Beci
Shtëpia botuese: EDFA
Viti: 2010
Fq. 256
Pesha: 0.401 kg
ISBN: 978-99927-867-7-9
Mbi librin
Vepra është rezultat i përpjekjeve dhe i përvojës së gjatë të autorit për rinovimin dhe modernizimin e mësimit të gjuhës amtare në shkollë. Ajo vjen pas botimit më parë të "Gramatika e gjuhës shqipe" për mësuesit e gjuhës shqipe. Vepra shtjellon të gjitha nocionet bazë të gramatikës së gjuhës shqipe.
Ajo ofron të dhëna në sistem për shqipen e sotme standarde. Ajo jep mundësi të njihet struktura fonetike e gramatikore e shqipes standarde. Vepra është e thjeshtë në paraqitje dhe e ilustruar me shembuj të mjaftueshëm që bëjnë të mundur kuptimin e zbatimin me lehtësi të saj.
Vepra u drejtohet të gjithëve, sepse të gjithë kemi nevojë ta përmirësojmë gjuhën tonë të folur e të shkruar, u drejtohet nxënësve të niveleve të ndryshme të shkollimit, të cilët mund ta përdorin si një vepër konsultimi në përpjekje për përvetësimin e programit shkollor, prindërve që duan të ndihmojnë fëmijtë e tyre, mësuesve, të cilët do të gjejnë këtu përgjigjie të shpejta për problemet që lidhen me zbatimin e programit shkollor, por edhe studentëve që duan të kenë të sintetizuar në një vepër tërësinë e nocioneve që lidhen me strukturën fonetiko – gramatikore të shqipes.
Vepra mbështetet dhe merr parasysh rezultatet e arritura deri tani nga gjuhësia shqiptare; ajo niset prej tyre, por merr parasysh edhe arritjet e gjuhësisë së sotme në këtë fushë. Në këtë kuptim ajo është një vepër e re që shpresojmë të luajë rolin e saj edhe në rinovimin dhe modernizimin e mësimit të shqipes.
