Mjaft më, Alberto Pellai

Titulli: Mjaft më!: këshilla dhe rregulla për të përballuar sfidat dhe rreziqet e periudhës së adoleshencës
Origjinali: E Ora Basta!
Gjinia: Psikologji
Autori: Alberto Pellai
Shqipëroi: Oriola Pampuri
Shtëpia botuese: Ombra GVG
Viti: 2013
Fq. 248
Pesha: 0.311 kg.
ISBN: 978-9928-06-065-5

Mbi librin

Gjithmonë ekziston një zgjidhje për çdo moshë... kjo është arsyeja përse titulli i këtij libri vjen në formën e një pasthirrme drejtuar një adoleshenti në vështirësi dhe shpesh është e domosdoshme dhe i drejtohet të gjithë atyre që në këtë shoqëri i trajtojnë fëmijët tanë si klientë të tregut të tyre të shfrenuar, si individë që janë gjithnjë të gatshëm të paguajnë për t'u argëtuar... ku mjafton të paguash e të vendosësh xhetonin në një pajisje dhe fillon argëtimi. Mjaft më: dy fjalë jo vetëm për adoleshentët...

***

Mjaft më nuk është një libër në formën e një recete që kërkon zbatim të menjëhershëm, por ofron mundësi për të reflektuar, për të fituar pikëpamje të reja dhe për të menduar më thellë se si mund t'i ndihmojmë adoleshentët, duke filluar nga ata që kemi në shtëpi... Sfidat me të cilat do të përballeni kanë të bëjnë me varësinë dhe konsumin e substancave psikotrope... një temë që në ditët e sotme i përket të gjithë prindërve.

***

"Mjaft më" është një fjali domethënëse për atë që po rritet dhe po përgatitet të përballet dhe të mësohet me ndjenjën e "kufirit" e të nevojës për të vendosur rregulla të caktuara kundrejt dëshirave të pafundme për të eksploruar, gjë që e karakterizon moshën e tyre.

Ndërkohë mjedisi, shoqëria, koha i shtyn fëmijët tanë të mendojnë se gjithçka është e mundur, madje edhe lumturia mund të blihet. Por ne të rriturit e dimë që rruga drejt realizimit të dëshirave është rezultat i një përshkimi të gjatë, duke u përballur me vështirësi të ndryshme, lodhje, punë, shpesh dhe mërzitje, e të gjitha mbështeten fort në ndjenjën e kufirit, përbërës të cilët janë shndërruar në tabu në kulturën në të cilën fëmijët tanë janë përfshirë.