Titulli: Lavdërim i disiplinës
Origjinali: Lob der Disziplin
Gjinia: Piskologji
Autori: Bernhard Bueb
Shqipëroi: Ferdinand Leka
Shtëpia botuese: Botime Kuçuku
Viti: 2010
Fq. 152
Pesha: 0.191 kg
ISBN: 978-9928-41-803-6
Mbi librin
Libri i pedagogut dhe filozofit të shquar gjerman Bernhard Bueb (lindur në 1938), i përkthyer në disa gjuhë tani po sheh dritën e botimit edhe në Shqipëri. Një libër serioz shumë i vlefshëm, për të mos thënë i domosdoshëm dhe aktual, për t'u lexuar e medituar nga çdo edukator, mësues, pedagog e prind, që ka përzemër një edukim të shëndetshëm të fëmijëve dhe të të rinjve. Një fjalë e urtë thotë: ç'ka mbjellë sot do të korrësh nesër.
Dy kanë qenë qëndrimet e skajshme në të kaluarën e aftërt "t'i drejtosh të rinjtë apo t'i lësh të rriten vetvetiu". Në lidhje me këtë, profesori gjerman shprehet kështu: "Kush dëshiron të gjejë rrugën e mesme të drejtë ndërmjet dy skajeve të kundërta të edukimit, duhet të vlerësojë më parë marrëdhëniet që ka me kohën në dispozicion dhe duhet ta quante si përfitim vetjak kohën që kalon me bijtë e vet".
Kurse gazetari i njohur italian Danilo Taino, në komentin që i bënte librit të Buebit në përkthimin italisht të vitit 2007, e mbyllte me këto fjalë: "Pastaj do të ishte punë më e mirë sikur ta lexojnë edhe ata politikanë që e kanë kuptuar se qëndrimet e kundërta të skajshme në të kaluarën (autoritarizmi dhe lejueshmëria pa kufij) në lëmin e edukimit, kanë pësuar dështim".
Mbi autorin
Bernhard Bueb ka lindur në 1938 dhe ka studiuar filozofi dhe pedagogji. Për tridhjetë vjet me radhë, nga 1974 deri më 2005, Buebi ka qenë redaktor i kolegjit privat më në zë të Gjermanisë "Schule Schloss Salem", buzë liqenit të Konstancës, të themeluar që në vitin 1920.
Me librin e vet, Buebi çeli një debat serioz në Gjermani, duke vënë në diskutim tërë sistemin pedagogjik gjerman të pasluftës së Dytë Botërore, që po kalonte nga një autoritarizëm i pafre në një tolerancë të pakufizuar në lëmin e edukimit, duke u nisur nga një sistem që mbështetej në idenë tërësisht të gabuar se i riu mund të bëjë dhe të formohet pa disiplinën, duke e quajtur këtë si të prapambetur e të tejkaluar.
