Vepra e Plote Poetike, Ali Asllani

Titulli: Vepra e Plotë Poetike (kopertinë e trashë)
Origjinali: Vepra e Plotë Poetike (kopertinë e trashë)
Gjinia: Poezi
Autori: Ali Asllani
Përgatitur nga: Nasho Jorgaqi & Ardian Klosi
Shtëpia botuese: K&B
Viti: 2011
Fq. 384
Pesha: 0.638 kg.
ISBN: 978-99956-840-8-2

Mbi librin

Së fundmi vjen edhe "Vepra e plotë poetike" e atdhetarit Ali Asllani. Për herë të parë, pas një numri sprovash e përzgjedhjesh prej vitit 1992 e këtej, krijimtaria e poetit i jepet e plotë publikut. Duke e patur në dorë publiku do të kuptojë që Ali Asllani, i cili në dhjetëvjeçarin e kaluar shpesh u trajtua si një barb gjysëm – folklorik, në të vërtetë është një nga poetet më të rëndësishëm shqiptarë të shekullit 20. Hapi i krijimtarisë së tij shkon nga poezia e mirëfilltë patriotike-politike, te sotirat e holla shoqërore e sidomos poezia lirike-sensuale, ku rivalet i ka veç në krijuesit anonimë të popullit dhe poetët e mëdhenj të Orientit.

Fragment nga libri

Si përhera në shtëpi
dhe përhera puth e pi,
Pi e puth,
Si një zog i zën në kurth
Përpëlite nëpër odë,
Mbush një got e zbraz një gotë
dhe më flet për poezi

Komente mbi autorin

"Ali Asllani çfaqet si një bir i vërtetë i vendlindjes së tij duke kënduar burrërinë me akcente që janë një dokument atdhedashurie e gjelozije kombëtare shqiptare tradicionale."

Lasgush Poradeci

"Njohës i thellë i kulturës antike sidomos asaj greke, i botës lindore, i letërsisë perëndimore, para së gjithas asaj franceze e italiane, i ndërgjegjshëm se, ashtu si dhe vetë Shqipëria, ai gjendej në takimin dhe ndarjen e dy botëve, krenar më në fund që ishte vlonjat, dmth luftëtar për Pavarësinë dhe ndërtimin e shtetit të parë shqiptar... përsëri ndërgjegjia politike e Ali Asllanit zotërohet fuqishëm prej ndërgjegjies së tij poetike, që është shprehje dhe vokacion më i natyrshëm i këtij njeriu. Ali Asllani me shpirt bëri jetën e poezisë së vet."

Fatos Arapi

"Vjershat më të mira të Ali Asllanit janë si farë pjesësh të vogla muzikore, pikërisht për shkak të ekspresivitetit të tyre të veçantë eufonik. Shëmbëllyeshëm Nolit, edhe ai përsërit me mjeshtëri tingujt e natyrshëm më ekspresivë, krijon asonanca dhe aliteracione të mrekullueshme, që në ndonjë rast janë më të shquara se ato të Nolit. Ali Asllani, pa dyshim, është krijues i rrallë i poezisë shqipe."

Rexhep Qosja

Mbi autorin

Ali Asllani (1882 – 1966) është pa dyshim së bashku me Lasgushin një nga poetët më të rëndësishëm të Jugut shqiptar në gjashtë dhjetëvjeçarë pas Pavarësisë. Ai arriti ta kapë shpirtin e poezisë anonime shqipe si rrallëkush tjetër. Dhe meqë i këndoi aq bukur Vlorës dhe atdheut, trimërisë e dashurisë së mirëfilltë dionisiake, gabimisht e mbajtën si një poet gjysmë – folklorik. Ndërkaq poezia e tij ishte po aq e kultivuar sa dhe jeta dhe pamja sqimatare e ish – sekretarit të qeverisë së Ismail Qemalit, e diplomatit të viteve '20 e '30 dhe kryebashkiakut të Vlorës.