Ali Pasha, Alexandre Dumas

Titulli: Ali Pasha
Origjinali: Ali Pacha
Gjinia: Histori
Autori: Alexandre Dumas
Shqipëroi: Fatmir M. Dibra
Shtëpia botuese: Fan Noli
Viti: 2018
Fq. 232
Pesha: 0.253 kg.
ISBN: 978-9928-251-38-1

Fragment nga libri

Në gjithë universin ai shihte vetëm veten e tij, ai nuk donte gjë tjetër veç vetes dhe punonte vetëm për të. Natyra e tij përmbante fillesën e çdo pasioni njerëzor; gjithë jetën e tij të gjatë ia kushti zhvillimit dhe plotësimit të tyre.

Kjo shpreh thelbin e karakterit të tij; dhe veprimet e tij nuk ishin gjë tjetër pasojë e këtij karakteri të zbatuar sipas rrethanave. Janë të paktë ata njerëz që kanë arritur një përputhje të tillë të brendshme dhe po kaq të rrallë kanë qenë ata që i përgjigjeshin aq mirë vendit të tyre në jetë.

Personaliteti i një njeriu të sigurtë, cilësitë e të cilit shfaqeshin në përpjesëtim të drejtë me idetë dhe zakonet e asaj epoke dhe të atij vendi ku ka jetuar, bënin që figura e Ali Pashës të ishte, në mos një nga më të ndriturat, të paktën, një ndër më të shquarat e kohës.