Titulli: Harry Potter dhe Fëmija i Mallkuar, pjesa e parë dhe e dytë
Origjinali: Harry Potter and the Cursed Child
Gjinia: Dramë
Autori: J. K. Rowling
Shqipëroi: Mira Kroqi
Shtëpia botuese: Dituria
Viti: 2016
Fq. 368
Pesha: 0.579 kg.
ISBN: 978-9928-217-29-5
Mbi librin
Historia e tetë. Nëntëmbëdhjetë vjet më pas... Ka qenë gjithmonë e vështirë të ishe Harry Potter. Dhe nuk është më e lehtë tani që Harry është punonjës i Ministrisë së Magjisë, i mbingarkuar me punë, bashkëshort dhe baba i tre fëmijëve të moshës shkollore.
Ndërsa Harry Potter përballet me një të kaluar që nuk pranon të mbetet e tillë, djali i dytë, Albusi, duhet të luftojë me peshën e trashëgimisë së familjes, trashëgimi që ai nuk e ka dashur kurrë. E kaluara dhe e tashmja shkrihen në mënyrë kërcënuese dhe babai dhe djali mësojnë një të vërtetë të pakëndshme: ndonjëherë errësira vjen nga vende të papritura.
Bazuar në një histori të re origjinale, shkruar nga J. K. Rowling, Jack Thorne dhe John Tiffany. Harry Potter dhe Fëmija i Mallkuar, një vepër e re teatrale nga Jack Thorne, është historia e parë zyrtare e Harry Potterit, e shfaqur në teatër.
Ky botim special i skenarit përshkruan udhëtimin e mëtejshëm të Harry Potterit, të miqve dhe të familjes së tij për lexuesit kudo që janë, menjëherë pas premierës botërore të shfaqjes në West End të Londrës, më 30 korrik 2016.
Shfaqja teatrale Harry Potter dhe Fëmija i Mallkuar është prodhim i Sonia Friedman Productions, Colin Callender dhe Harry Potter Theatrical Productions.
Mbi autorët
J. K. Rowling është autore e shtatë romaneve të Harry Potter, tri librave shoqërues, fillimisht të botuar për bamirësi. Ajo është gjithashtu autore e "Rastësisht një vend bosh", një roman për të rritur; dhe, me pseudonimin e Robert Galbraith – it, autore e serisë së romaneve të detektivit Kormoran Strajk.
J. K. Rowling po debuton edhe si skenariste dhe është producente në filmin "Fantastic Beasts and Where to Find Them", që parashikohen të shfaqen në nëntor 2016.
Jack Thorne shkruan për teatër, film, televizion dhe radio. Midis shumë veprave të tjera, po përmendim dy pjesë të vëna prej në teatër "Hope" dhe "Let the Right On In". Veprimtaria e tij në filmografi përfshin War Book, A Long Way Down dhe The Scouting Book for Boys.
Për televizionin, ai fitoi çmimin BAFTA për seritë Don't Take My Baby, The Fades This in England. Ai është duke përshtatur trilogjinë e Philip Pullman, His Dark Materials, për BBC.
John Tiffany ka fituar shumë çmime si regjisor për veprat e drejtuara prej tij, si në West End dhe në Broadway. Vepra të tjera të tij janë Once, The Glass Menagerie, Macbeth, The Bacchae, Let the Right One In dhe Black Watch.
Ai është drejtor i asociuar i Trupës Mbretërore të teatrit, si dhe ka qenë drejtor i asociuar i Teatrit Kombëtar të Skocisë, nga viti 2005 deri në vitin 2012.
