Titulli: Kokëboshi dhe shokët e tij
Gjinia: Roman
Autori: Nikollaj Nosov
Shqipëroi: Tianda Çuçka
Shtëpia botuese: Toena
Viti: 2015
Fq. 232
Pesha: 0.301 kg.
ISBN: 978-9928-4271-7-5
Mbi librin
Qyteti i Luleve, banorët fëmijë të të cilit mbajnë emra që lidhen me talentin, profesionin, karakterin apo pamjen e tyre fizike. Doktor Ilaçi, Qelqëtari, Dituraku, Buloni, Sherbet-Sheqeri, dy vëllezërit Ah-Sikuri dhe Po-Sikuri, Lulelepurushja, Sykaltra, Petulla, Fjalëpaku, Fjalëshumi, janë disa nga personazhet e çuditshëm të librit, që fëmijët do i adhurojnë.
Dhe në krye të kësaj liste të gjatë është Kokëboshi, i cili nuk di asgjë. Ai është përtac, do të arrijë gjithçka pa u lodhur. Duke qenë gjithmonë në kërkim të aventurës, për të qenë dikushi, ai përpiqet më kot për t'u bërë muzikant, piktor, poet, pilot garash... dhe, në fund, ai ndryshon.
Transformimi i tij fillon gjatë ekspeditës për të eksploruar Qytetin e Gjelbër. Ai mëson të lexojë!
Duke shfletuar librin, faqe pas faqe, fëmijët do të ndjekin një sërë aventurash të Kokëboshit dhe miqve të tij, prej të cilave nxjerrin edhe mësimet mbi respektin dhe jetën në grup.
Është një histori bëmash dhe aventurash të mrekullueshme, që ka magjepsur breza të tërë fëmijësh. Plot ngjyra dhe imagjinatë, ky libër i ka të gjithë përbërësit e nevojshëm për të zënë një vend në zemrën e lexuesve të vegjël, dhe për të qëndruar aty edhe kur ata të rriten.
