Dashuri në moshën e Krishtit, Dritëro dhe Sadije Agolli

Titulli: Dashuri në moshën e Krishtit

Origjinali: Dashuri në moshën e Krishtit

Gjinia: Biografi

Autori: Dritëro dhe Sadije Agolli

Shtëpia botuese: Botime Dritëro

Viti: 2018

Fq. 234

Pesha: 0.295 kg

ISBN: 978-99927-34-73-5

Mbi librin

Ka diçka të magjishme në letrat e dashurisë, përpos faktit që ato na kujtojnë një periudhë tjetër e një kulturë, e cila ngadalë - ngadalë po bëhet e largët. Letrat janë të mbështjella me aromë ndjesish e emocionesh. Fjalët, të shprehura thjeshtë nga thellësia e qënies, bëhen dëshmi sublime e ndjenjave të vërteta, mendimeve të dlirta.

Janë pikërisht dëshmi të tilla që na sjellin më pranë së bukurës, duke e bërë atë më të prekshme në lehtësinë e qënies. Me dashurinë, jemi të bekuar. E në një periudhë të tillë gri është e rëndësishme të mbajmë gjallë shpresën, të rrokim ndjesitë që na bëjnë të shohim, përjetojmë ngjyrat e jetës. Dhe për fat të mirë vjeshta është në patosin e saj. Qiejtë qajnë ndonjëherë me ne deri kur befas rrezet e diellit çajnë retë, ndërkohë që ajri mban erë tokë dhe librat lexohen me qejf.

Mbase ka ardhur koha t’i kthehemi vlerave të shpalosjes së mendimeve në letër, aromës së saj, përkëdheljes së emocioneve, pritjes së një zarfi në udhëtim. Le të provojmë të dërgojmë e presim letra, të sfidojmë përkohshmërinë, me sinqeritet, me vërtetësi. Të frymojmë, të ndjekim shtegun kah dijes dhe dashurisë, në stinën e artë, me “Dashuri në moshën e Krishtit” e më pas të provojmë të shkruajmë vetë një letër, ashtu siç shkruanin dikur gjyshërit e prindërit tanë.