Refreni i urisë, J.M.G Le Clezio

Titulli: Refreni i urisë

Origjinali: Ritournelle de la faim

Gjinia: Roman

Autori: J.M.G Le Clezio

Shqipëroi: Amantia Kapo

Shtëpia botuese: Toena

Viti: 2010

Fq. 200

Pesha: 0.245 kg

ISBN: 978-99943-1-625-0

Ky libër është në gjuhën shqipe

Mbi librin

Kjo është historia e nënës së autorit, e mbledhur dhe e ruajtur përgjatë viteve si një sekret i shenjtë në shpirtin e shkrimtarit. Ai e nxjerr prej andej, teksa po plaket për t’ua treguar të gjithëve. Është një roman i shkurtër për nga numri i faqeve, jo me shumë se dyqind, por shumë i ngjeshur për nga dendësia e mbresave, aq sa të dikton një shpejtësi tjetër të lexuari, një shpejtësi të ngadalësuar, do të thosha, që të merr kohën e një romani me tre-katërfishin e faqeve, por duke të lënë një shije prarimi dhe vetmie që është zakonisht shija e artit të kulluar. Megjithëse në njërën prej pjesëve kryesore përshkruhet me një realizëm tronditës skena e denatyrimit dhe asgjësimit të njeriut nga uria, i gjithë romani, çuditërisht, shëmbëllen me një akuarel madhështor dhe prekës, plot nuanca dhe ndërthurje kuantesh ndjesore. Është mjeshtëria e Le Clezios që arrin të sjellë me fjalët e duhura përthyerjen e historisë, në nostalgji dhe meditim. Nga largësia e shtatëdhjetë viteve, ai e rindërton dhe e ritregon historinë e vajzës që do të bëhej nëna e tij, si të ishte fëmija e tij. Eteil duket sikur është vajza e vogël e Le Clezios. Ai shkruan për të me një delikatesë prej prindi.