Luftrat e Opiumit, W. Trapis Hanes lll, Frank Sanello

Titulli: Luftrat e Opiumit
Gjinia: Histori
Autori: W. Trapis Hanes lll, Frank Sanello
Shqipëroi: Mirela Cako
Shtëpia botuese: Helga's Secrets
Viti: 2013
Fq. 452
Pesha: 0.482 kg
ISBN: 978-9928-09-012-6

Mbi librin

Në shekullin e XIX – të, shoqëria kineze ishte sakatuar prej një varësie të thellë nga opiumi, i cili sillej më së shumti nga tregtarët britanikë. Për vite të tëra, qeveritë britanike dhe kineze janë përplasur mbi të drejtën e britanikëve për të tregtuar në Kinë dhe për t'u trajtuar nga zyrtarët kinezë si të barabartë.

Kështu që kur Kina u përpoq të mbyllte portet e saj për opiumin ndaj britanikëve, këta zhvilluan dy nga luftrat më të çuditshme në histori. Kishte një zhbalancim teknologjik në këtë luftë ku avulloret dhe artileria e lëvizshme britanike shkatërruan vjeturinat lundruese mesjetare, harqet dhe shigjetat e kinezëve.

Dhe ndërsa luftohej, të dyja anët u morën me një rebelim të ushtrisë së fanatikëve kristianë kinezë, filozofia antikapitaliste e të cilëve i alarmoi tregtarët britanikë po aq sa edhe Oborrin Perandorak Kinez.

Historia tragjike dhe e fuqishme e Luftrave të Opiumit jetësohet gjatë leximit të këtij libri, në të gjitha detajet që ai sjell. Luftrat e Opiumit tregojnë një histori të plotë duke zbuluar motivet që qëndrojnë mbrapa betejave dhe i ngrejnë himn betejave politike dhe morale të popujve të përfshirë në të.

Komente mbi librin

"Libri jep shkaqet, fushatat ushtarake dhe pasojat tragjike të këtyre luftrave, hera – herës çnjerëzore dhe thellësisht të turbullta."

Booklist

"Një shpjegim popullor i mprehtë... Hanes dhe Sanello përshkruajnë në detaje operacionet ushtarake të të dy luftrave, sukseset e pakta të kinezëve dhe dallgën e papërkulur britanike të fitoreve, që kulmuan me plaçkitjen dhe grabitjen e Pallatit Veror të Perandorit Kinez dhe punëve të kushtueshme të artit që ndodheshin aty."

Publisher Weekly