Titulli: Krim dhe ndëshkim
Origjinali: Преступленіе и наказаніе
Gjinia: Roman
Autori: Fjodor Dostojevski
Shqipëroi: Mukades Mançe
Shtëpia botuese: Fan Noli
Viti: 2018
Fq. 640
Pesha: 0.774 kg.
ISBN: 978-9928-44-2
Kategoritë: 1. Letërsia botërore 2. Letërsia ruse 3. Klasikët rusë 4. Fjodor Dostojevski 5. Mukades Mançe
Fragment nga libri
Pse u duket kaq i shëmtuar veprimi im? – thoshte me vete. – Ngaqë është një veprim keqbërës? Ç'do të thotë "veprim keqbërës"? Të paktën, ndërgjegjen e kam të qetë. Sigurisht që është bërë një krim, është shkelur një nën i ligjit dhe është derdhur gjak; e pra, për atë nen që është shkelur, merrni kokën time dhe me kaq të mbyllet kjo punë!...
Po ama, në një rast të tillë edhe shumë krijesa të virtytshme të njerëzimit që nuk e kanë trashëguar pushtetin, por që e kanë rrëmbyer atë, duhet të ishin ekzekutuar që në hapat e parë. Ata i hodhën hapat pa u hyrë gjemb në këmbë, prandaj kanë të drejtë, kurse unë nuk pata të drejtë ta hidhja atë hap.
Mbi autorin
Fjodor Dostojevski (1821-1881) konsiderohet si mendja më e fortë që ka prodhuar letërsi ndonjëherë, gjeniu që prodhoi disa nga kryeveprat më jetëgjata të letërsisë, të cilat, me gjasa, do të vijojnë të lexohen edhe pas shumë dhe shumë shekujve. Ai pati një jetë po aq të ngatërruar sa edhe vepra monumentale që krijoi. U dënua si pjesëmarrës në një komplot kundër carit, u internua pasi përjetoi një ekzekutim fals, u arratis për në Evropë për t'i shpëtuar borxhlinjve për shkak të telasheve ku kishte rënë nga vesi i bixhozit dhe vdiq në Rusi pas disa viteve në të cilat, shkrimet e tij politike u bënë të zymta, ksenofobe dhe rusomadhe.
