Titulli: Njeriu dhe demokracia, mësimi shoqëror i Kishës Katolike mbi konceptet bazike të jetës politiko – shoqërore (kopertinë e trashë)
Gjinia: Filozofi
Autori: Mikel D. Sopi
Shtëpia botuese: Onufri
Viti: 2017
Fq. 470
Pesha: 1.094 kg.
ISBN: 978-9928-226-78-5
Koment nga autori
Libri "Njeriu dhe demokracia", i cili tashmë është në duart e lexuesve, është fryt i një pune disavjeçare të përqendruar në vëzhgime e përimtime të thelluara nëpër qendrat studimore të Perëndimit.
Duke pasur parasysh faktin se argumenti i trajtuar në këtë libër kërkon qasje shumëdisiplinore dhe punë ekipore, me përqendrimin tim në konceptet themelore të problematikës në fjalë, kam vlerësuar të jetë qasja më adekuate dhe çelësi interpretues i mendësisë filozofike, i porosisë teologjike dhe i fomulimeve juridike të proceseve politiko – shoqërore.
Nga ana tjetër, jam i vetëdijshëm për mangësitë e ndryshme që, në një masë, janë të pakapërcyeshme për arsye të caktuara. Andaj, ftoj lexuesit që të japin kontributin e tyre në përthellimin dhe nxitjen për studim të mëtejshëm.
Gjendja në të cilën është katandisur njerëzimi i dekadave të fundit, kur jeta ka fituar ritme të egra me plot kontradikta dhe banalitete, flet për një funksionim jo të kënaqshëm dhe defektoz të sistemit të vlerave duke dëftuar çrregullime pothuaj në të gjitha proceset e jetës.
Mirëpo, çështja që shtrohet shkon përtej konstatimit. Kërkohet burimi i tyre dhe analiza e shkaqeve. Disa shkencëtarë mendojnë se këtë krizë të përgjithshme e karakterizojnë një varg shkaqesh, duke e kërkuar burimin e çrregullimeve tek tre faktorë:
a) Tek shterimi i burimeve të papërtëritshme natyrore.
b) Tek pasojat e ndryshimeve klimatike dhe
c) Tek mosfunksionimi i sistemit ekonomik global.
