Titulli: Ese në filozofinë historike dhe politike
Origjinali: Gesammelte Schriften
Gjinia: Filozofi
Autori: Immanuel Kant
Shqipëroi: Gaqo Karakashi
Shtëpia botuese: Fan Noli
Viti: 2015
Fq. 192
Pesha: 0.241 kg.
ISBN: 978-99943-52-25-8
Fragment nga libri
Natyra ka dashur që njeriu të nxjerrë tërësisht nga vetvetja gjithçka që kapërcen përtej organizimit mekanik të jetës së tij shtazore, dhe të mos përjetojë asnjë lumturim apo përsosmëri tjetër, përveç atyre që i fiton vetë nëpërmjet arsyes së tij i çliruar nga instinktet.
Pikërisht natyranuk bën asgjë kot dhe nuk është dorëlëshuar në përdorimin e mjeteve për të arritur qëllimet e saj. Meqë ajo i dha njeriut arsye dhe lirinë e vullnetit që mbështetet te kjo e fundit, atëherë kjo ishte tashmë një shenjë e qartë e synimit të natyrës lidhur me pajisjen e tij. Domethënë ai nuk duhej të udhëhiqej nga instinktet apo të ushqehej e të informohej prej njohurive të lashta, përkundrazi ai duhej ta nxirrte gjithçka nga vetvetja.
Shpikja e mallrave të tij ushqimore, e veshtjes së tij, e mjeteve për sigurinë dhe mbrojtjen e tij të jashtme (për të cilat natyra nuk i dha atij as brirët e demit, as kthetrat e luanit, as kafshimin e qenit, po vetëm duart), çdo argëtim që mund ta bëjë jetën të këndshme, madje gjykimi, zgjuarsia dhe mirësia e vullnetit të tij, që të gjitha duhej të ishin tërësisht vepra e tij vetjake.
