Titulli: Marketingu politik
Origjinali: Marketingu politik
Gjinia: Shkenca sociale
Autori: Sulejman Muça
Shtëpia botuese: Naimi
Viti: 2009
Fq. 368
Pesha: 0.555 kg
ISBN: 978-99956-746-9-4
Mbi librin
Libri është fryt i një pune disavjeçare, një kërkim shkencor rreth një prej temave dhe argumenteve më të rëndësishme të shoqërisë moderne, pikërisht teorive dhe praktikave mbi ndërtimin e imazhit në politikë dhe teknologjisë përkatëse, mbi teknikën e organizmit të fushatave elektorale duke iu referuar përvojës botërore.
Autori, mbi bazën e një literature të zgjeruar, shtjellon aspekte të industrisë së imazhit politik. Në këtë libër shtjellohen nocionet bazë të marketingut politik, flitet për marketingun dhe strategjitë në politikë, për përcaktimin e produktit në këtë fushë dhe krijimi i një politike shërbimesh, ndërsa flitet edhe për fushatat elektorale dhe organizmi i tyre, si dhe teknikat e komunikimit.
Nuk përjashtohen as puna me mediat dhe plani mediatik, si dhe reklamat politike. Në parathënien e këtij libri shkruhet se i gjithë triumfi "Obama" për garën e fundme presidenciale në SHBA mund të reduktohet në aq fjalë sa janë gishtërinjtë e dorës: "Change", "Hope", "Yes we can". Sipas ekspertëve të marketingut politik, këto konsiderohen si "fjalë që punojnë". Ndonëse në pamje të parë duken si gjetje të thjeshta (dhe në fakt ashtu janë), ato janë fjalë çelësa dhe gjeniale njëkohësisht.
Por, për të shkuar deri te slogani çudibërës (vetëm me tri fjalë me 8 germa gjithsej), që pushtoi zemrat e votuesve amerikanë dhe admirimin botëror, u desh të ideohej, formatohej dhe jetësohej një nga operacionet më gjigante të të ashtuquajturit marketing politik, i cili vuri në punë industrinë më të sofistikuar të kohëve moderne, industrinë e imazhit.
Mbi autorin
Dr. Sulejman Muça u lind në Dibër më 17 qershor 1966. Në vitet 1998 - 2002 kryen studimet e larta në universitetin shtetëror "Kliment Ohridski" në Sofie të Bullgarisë, Fakulteti i Filozofisë, dega e Politologjisë, duke u vlerësuar maksimalisht. Në vitin 2002-2003 ka kryer kualifikimin Master për Politikë të Jashtme dhe Siguri Kombëtare në universitetin shtetëror "Kliment Ohridski" në Sofie.
Në vitin 2008 kryen kursin e Akademisë Diplomatike Shqiptare në Qendrën për Marrëdhënie Ndërkombëtare dhe Diplomaci. I angazhuar vazhdimisht në analiza, debate dhe komente si në median vizive dhe atë të shkruar, me artikuj të ndryshëm në gazetat Ballkan, Albania, Shqip etj.Ai jep leksione në Universitetin "Marlin Barleti" dhe në Universitetin e Tiranës dhe është duke u doktoruarn në universitetin "Kliment Ohridski" të Sofies.
