Politikat makroprudenciale, Orkida Ilollari

Titulli: Politikat makroprudenciale, efekti në garantimin e stabilitetit financiar dhe bankar
Gjinia: Ekonomi
Autori: Orkida Ilollari
Shtëpia botuese: UET Press
Viti: 2018
Fq. 236
Pesha: 0.403 kg.
ISBN: 978-9928-236-49-4

Koment nga Selami Xhepa

Ndoshta ka ardhur koha të rishikohet vetë sistemi financiar. Ide shumë revolucionare janë duke u debatuar, përfshi eleminimin e sistemit të tanishëm të fractional banking dhe një rikthim te bankingu i hershëm i ndërmjetësimit financiar në ekonomi jo më të depozitave, por i fitimeve të bankave dhe mjeteve financiare shtesë që emetojnë qeveritë.

Ide të tilla ngjasojnë shumë të pamundura në gjendjen e sotme të tregjeve financiare globale, por ajo që qëndron është se shqetësimi mbi stabilitetin e sistemit financiar është kaq serioz, sa nuk ngurrohet të konsiderohen edhe ide të tilla kaq revolucionare.

Ky studim është përpjekur të ndalet në disa aspekte të rëndësishme që lidhen me këtë shqetësim global, duke vendosur edhe kontekstin e përpjekjeve të Bankës së Shqipërisë për adoptimin e parimeve dhe standardeve më të mira për një mbikëqyrje të kujdesshme të sistemit tonë financiar.