Titulli: Ekonomia
Origjinali: Economics, special edition with coverage of the economic crises
Gjinia: Ekonomi
Autori: N. Gregory Mankiw, Mark P. Taylor
Shtëpia botuese: Tirana Times
Viti: 2018
Fq. 1202
Pesha: 2.266 kg.
ISBN: 978-99956-39-37-2
Mbi librin
Ekonomistët profesionistë, që shkruajnë një tekst, janë të tunduar të nisen nga këndvështrimi i ekonomistit dhe ta vënë theksin tek ato tema që i magjepsin ata dhe ekonomistët e tjerë.
Ne kemi bërë maksimumin që të shmangemi nga ky tundim. Ne jemi munduar ta vemë veten në pozitën e dikujt që e sheh shkencën ekonomike për herë të parë. Qëllimi ynë ka qenë ta vemë theksin te materiali, që studentët ta shohin me interes studimin e ekonomisë.
Si përfundim, mund të themi se ky libër është më i përmbledhur sesa shumë libra të tjerë që përdoren për t'i prezantuar studentët me shkencën ekonomike. Një pjesë e madhe e librit u kushtohet zbatimeve dhe politikës – dhe më pak teorisë ekonomike formale – gjë që ndodh me shumë libra të tjerë të shkruar për një kurs njohës.
Nëpërmjet këtij libri ne jemi munduar t'u rikthehemi zbatimeve dhe çështjeve të politikës sa më shpesh që të jetë e mundur. Shumica e kapitujve përfshijnë shembuj që tregojnë sesi janë zbatuar parimet e ekonomisë.
Përveç kësaj në rubrikat "Në lajme" jepen kryeartikuj që kanë pasqyruar ngjarje të reja, që tregojnë sesi idetë ekonomike hedhin dritë mbi problemet e tanishme me të cilat përballet shoqëria.
Pasi studentët të mbarojnë kursin e tyre të parë të shkencës ekonomike, ata duhet të mendojnë rreth kronikave të lajmeve duke i parë ato nga një këndvështrim i ri, por edhe duke u thelluar më tepër.
