Rrugetimi i nje ambasadori ne Lindjen e Mesme, Dr. Faruk Borova

Titulli: Rrugetimi i nje ambasadori ne Lindjen e Mesme
Origjinali: Rrugetimi i nje ambasadori ne Lindjen e Mesme
Gjinia: Histori
Autori: Dr. Faruk Borova
Shtëpia botuese: Mileniumi I ri
Viti:2018
Fq. 221
Pesha: 0.340 kg
ISBN: 978-9928-174-51-2

Mbi autorin

Ka lindur në Tiranë, më 14.09.1946. Pas mbarimit të shkollës së mesme ‘’Sami Frashëri’’, vazhdoi studimet e larta në Fakultetit e Shkencave të Natyrës dhe u diplomua në vitin 1968, në degën ‘’Kimi Industriale’’. Gjatë periudhës studentore u aktivizua në skuadrën e basketbollit ‘’17 Nëntori’’. Ka punuar për një periudhë të gjatë në Institutin e Teknologjisë Kimike dhe zotëron gradën shkencore ‘’Doktor’’.

Pas përmbysjes së regjimit monist, Dr. Faruku ka kryer edhe detyra të tjera, jashtë profesionit të tij, ndër të cilat mund të përmendim edhe atë të vitetve 1993-1997, si ambasador i Republikës së Shqipërisë, rezident në Kajro të Egjiptit, duke përfaqësuar Shqipërinë edhe në disa shtete të Lindjes së Mesme . Kjo detyrë ishte shkëndija për t’u njohur me historinë e shqiptarit të madh, Muhamend Ali Pasha, dhe pasardhësit të tij dhe, si rrjedhojë, për të shkruar për të dhe gjithë pasardhësit e tij, ngjarje që e përmblodhi në librin e tij ‘’Dinastia Shqipëtare që sundoi Misirin’’.

Në vitin 2013, Faruku shkruajti librin ‘’Dibranë dhe Tiranas 100 Vjet Së Bashku’’, me rastin e 100 vjetorit të eksodit dibran. Arsyeja që e shkruajti këtë libër është se origjina e prindërve të tij është nga Dibra e Madhe (Shehri).

Edhe pse kanë kaluar mëse 20 vjet nga përfundimi i asaj detyre fisnike , ndërmori nismën të shkruajë një libër tjetër për atë rajon të Lindjes së Mesme, i cili i paraqitet tashmë lexuesit. Nxitje për këtë libër, u bënë ngjarjet tepër tragjike të Lindje s së Mesme në keto vitet e fundit, që pasuan ngjarjet e ashtuquajtura ‘’Pranvera Arabe’’.