E pashe shtetin duke rene, Frrok Cupi

Titulli: E pashë shtetin duke rënë
Origjali: E pashë shtetin duke rënë
Gjinia: Publicistikë
Autori: Frrok Çupi
Shtëpia botuese: Dritëro
Viti: 2005
Fq. 360
Pesha: 0.46 kg.

Koment nga autori

Kam pasur rastin ta shikoj përditë shtetin duke rënë. Ky brez i shqiptarëve preku "shansin" e ndodhisë së rrallë. Në këtë kontinent nuk ka rënë kurrë shteti. Shteti ynë ra në vitin 1997, 85 vjet pas ngritjes së tij.Paqen mes shqiptarëve e ruajtën ushtarët e 11 kombësive të huaja. T'u ishte fandaksur, qoftë edhe në ëndërr, themeluesve të shtetit dhe patriotëve tanë, kjo do t'i kishte helmuar në vend.

Ditën që ra makina e hekurt e shtetit nuk la asnjë bullonë mbi tokë; sikur e përpiu dheu. Mbetën vetëm viktimat e tij: Të gjallë e të vdekur.Edhe shteti më i keq shkakton katastrofë kur bie. Madja shteti më i keq, edhe terrorizon më keq.Ndërtuar mbi fisin, funksionuar mbi piramida mashtruese; dhunues zgjedhjesh; perëndimor, por anëtar i Konferencës Islamike; në armiqësi me fqinjët dhe në karshillëk me Perëndimin.

Ç'të bëjmë me këtë histori?Disa thonë ta zhdukim, disa thonë ta fshehim. Më e mira do të ishte ta gëlltisnim dhe të mos lëmë asnjë fije jashtë.Historia jonë duhet të flejë bashkë me ne.