Titulli: Ali Kuçi, fenomen gjenial i rezistencës antinaziste
Origjinali: Ali Kuçi, fenomen gjenial i rezistencës antinaziste
Gjinia: Biografi, histori
Autori: Gjelok Marko
Shtëpia botuese: DIJA – Poradeci
Viti: 2011
Fq. 144
Pesha: 0.16 kg
ISBN: 978-99956-98-32-4
Koment nga autori
Puna për shkrimin e këtij libri më ka bërë të ec përmes fakteve e realiteteve të tmerrshme. Ka qenë një rrugë përmes errësirës e tmerrit të vdekjes, një rrugë ku fytyra e veprat e errësirës e të vdekjes pasqyrohen në anën e tyre më të egër.
E, megjithë këto fakte e skena, po paraqes një libër ku del qartë triumfi i jetës mbi vdekjen, triumfi i lirisë mbi tiraninë e krimin, pavarësisht se vdekja, tirania e krimi shfaqen në formën më të egër e më ekstreme që ka njohur historia e njerëzimit. Por, ky libër është një dëshmi për faktin që jeta ka triumfuar mbi vdekjen dhe liria mbi tiraninë.
Mbi autorin
Gjelok Marko u lind më 10 maj 1962. Arsimin fillor e të mesëm e kreu në Pogradec. Në vitet 1981 – 1985 kreu studimet në Fakultetin e Historisë dhe të Filologjisë, dega Gjuhë – Letërsi. Nga viti 1985 – 1991 punoi mësues në shkollën e mesme në Velçan të rrethi të Pogradecit. Gjatë kohës si student dhe gjatë periudhës si arsimtar është marrë me publicistikë e studime kritike letrare.
Ka bashkëpunuar me revistën "Hosteni", ndërsa studimet e tij kritike të kësaj kohe kanë të bëjnë me romanin satirik. Studimet e tij kritike filluan me temën për mbrojtjen e diplomës dhe vazhduan më tej në kuadrin e kualifikimit pasuniversitar me synimin për të marrë titullin "Kandidat i Shkencave". Në kuadrin e këtij programi, ai ka dhënë provimet pasuniversitare të Filozofisë dhe ka mbrojtur edhe gjuhën angleze.
Përfundimi i këtij programi u ndërpre me largimin e tij në Greqi në maj 1991. Gjatë qëndrimit të tij në Greqi është marrë kryesisht me përkthimin e leksioneve e literaturës biblike, si dhe me studimin e gjuhës greke. Që nga viti 1992 ka jetuar kryesisht në Gjermani. Gjatë kësaj kohe ai është marrë kryesisht me studime historike e biblike.
Objekt i studimeve të tij historike kanë qenë historia e Mesjetës së hershme dhe të vonë, si dhe periudha e Luftës së Dytë Botërore. Në kuadrin e studimeve biblike frut i punimeve të tij është përmbledhja "Themelet biblike të besimit të krishterë".
