Tirza, Arnon Grunberg

Titulli: Tirza
Origjinali: Tirza
Gjinia: Roman
Autori: Arnon Grunberg
Shqipëroi: Anxhela Çikopano, Agim Doksani
Shtëpia botuese: Dituria
Viti: 2022
Fq. 420
Pesha: 0.458 kg
ISBN: 978-9928-366-29-0
Ky libër është në gjuhën shqipe

Mbi librin

Romani flet për dashurinë e një ati për bijën, për konfliktin e tij të brendshëm, për njeriun që përpiqet të frenojë dhe maskojë veten në shoqërinë moderne. Deri në çfarë mase njerëzit modernë mund të përshtaten me rolet që u jep jeta qytetare ose me maskat që mbajnë, cilat janë rezultatet kur nuk munden? Një roman shqetësues dhe tronditës deri në fund, me portrete të mrekullueshme, me analiza të thella psikologjike, me një intrigë të fortë, shkruar nga Arnon Grunberg, shkrimtari qe konsiderohet ylli i letërsisë holandeze dhe krahasohet shpesh me Dostojevskin.
Në fund të të pesëdhjetave, Jërhen Hofmesteri nis të kuptojë se jeta po i rrëshqet nga duart. Pas humbjes së punës dhe gruas, humbjes së kursimeve dhe largimit të vajzës së madhe, i mbetet krenaria se është zot i një shtëpie madhështore në lagjen më të pasur të Amsterdamit dhe Tirza, vajza e vogël, xhevahiri i tij, sidomos pas zhgënjimit me vajzën e madhe, Ibin, e cila ka lënë universitetin për të ngritur një biznes të vogël, që nuk ka të bëjë aspak me aftësitë intelektuale!
Tirza, pra, bëhet qendra e botës së tij dhe Jërheni e mbulon me përkujdesje e një përkushtim gjithnjë e më të fiksuar. Hofmesteri ia kushton jetën i lumtur Tirzës, derisa ajo e prezanton me të dashurin e ri, Shukriun, i cili ka një ngjashmëri shqetësuese me Muhamet Attan, njeriun që drejtoi sulmin kundër Kullave Binjake, simbolin e së Keqes për të. Dhe kur ata e njoftojnë se kanë në plan të shkojnë disa muaj në Afrikë, shqetësimi mbërrin kulmin. Pra, sakrifica e tij paskësh qenë e kotë!
Tirza shënon një pikë të lartë në krijimtarinë ende në zhvillim të Arnon Grunbergut, me këtë histori tronditëse dhe mjeshtërore të një burri që kërkon shëlbim.
Një libër për paranojën sociale, për ata që kanë humbur çdo siguri në jetë dhe prandaj i frikësohen së keqes nga jashtë, pa e njohur të keqen brenda.