Zigzage takimesh, David Foenkinos

Titulli: Zigzage takimesh
Origjinali: Nos sèparations
Gjinia: Roman
Autori: David Foenkinos
Shqipëroi: Edmond Tupja
Shtëpia botuese: Pegi
Viti: 2015
Fq. 208
Pesha: 0.267 kg.
ISBN: 978-9928-175-56-4

Mbi librin

Alisa dhe Frici duhen, por e shtyjnë jetën mes ndarjesh të arsyeshme dhe rastësish që i bashkojnë sërish. Shkaqet: ciklet pasionale, prindërit dhe krushqit, puna dhe kolegët, miqtë e fëmijërisë, xhelozia dhe... fati.

Komente mbi librin

"Na përkëdhel, na pickon, na bën të qeshim e na prek. Jemi në traditën më të mirë të letërsisë franceze: të dëfrehemi me atë që na shtrëngon zemrën."

Bernard Pivot

"Dhurojani gjithë të dëshpëruarve të kësaj bote për t'iu rikthyer buzëqeshjen. Për vetë të dëshpëruarit, blejeni! Dhe për ata që nuk janë të dëshpëruar, një kurë e vogël gajasesh nuk bën kurrë dëm! Lexojeni!"

Petites lectures entre amis

Fragment nga libri

Në botë janë tre miliardë femra. Pra, kam të drejtë të pyes veten: Pse Alisa? Sidomos, ditët kur grindemi. Pse zgjodha atë midis gjithë kinezeve dhe ruseve? Pse ka hyrë në jetën time dhe më nervozon e më dëshpëron? Them me vete se me siguri do të ketë ndonjë australiane që do të më bënte shumë të lumtur.

Por kjo do të më nxirrte telashe: çfarë tmerri të udhëtosh një ditë të tërë me avion për të shkuar e takuar vjehrrën, kunatin e kunatën. I urrej avionët. Mund t'i duroja vetëm nëse do të shtriheshin shina në qiell. Si përfundim, besoj se jam i lumtur.

-Alisa, mund të më kishte rënë për pjesë një vajzë shumë më e keqe se ti.
-Po me lodh, Fric. Vërtet po më lodh.
-Atëherë, natën e mirë.

Mbi autorin

David Foenkinos është autor i dhjetëra romaneve, të përkthyera në dyzet gjuhë të botës. Sipas gazetës Le Figaro, "Delikatesa", romani i tij i parë i sjellë në gjuhën shqipe, e bëri një nga pesë autorët më të shitur në Francë në 2011.

Ky roman fitoi dhjetë çmime letrare dhe u ekranizua në filmin me të njëjtin titull, me aktoren Audrey Tautou. "Zigzage takimesh", i shkruar në 2008, është libri i tij i dytë në gjuhën shqipe.