Pragu i ferrit, Michel Hugo

Titulli: Pragu i ferrit
Origjinali: Hells's treshold
Gjinia: Roman
Autori: Michel Hugo
Shqipëroi: Pirro Dollani
Shtëpia botuese: Ombra GVG
Viti: 2009
Fq. 348
Pesha: 0.392 kg.
ISBN: 978-99956-38-28-3

Koment nga autori

Këtë vepër artistike... ua kushtoj mijëra kozakëve që u tradhtuan në vitin 1945, në qytetin mesjetar të Linzit, në Austri. Miqtë e mi rusë më besuan fotokopjet e dy librave, si edhe fotografi e dokumente të tjera të ruajtura me kujdes dhe të kaluara dorë më dorë... që zbulojnë një anë të errët të historisë: pabesinë e tri qeverive, Britanisë së Madhe, SHBA – së dhe BRSS – së, si edhe moskokëçarjen e tyre për të drejtat e njeriut.

... Dokumentet zyrtare janë dyllosur, ndërsa librat që flasin për këto ngjarje, janë hequr nga qarkullimi. Edhe sot, mbas më se gjashtëdhjetë e pesë vjetësh, dokumentet mbi këto ngjarje mbajnë vulën "Top sekret".

I mbushur me zemërim dhe dhimbje, vendosa t'i jap veshje artistike kësaj historie mbi krimin dhe hakmarrjen duke mbetur me shpresë se dikur... kjo padrejtësi historike ndaj këtij populli do të vendoset në vend.

Fragment nga libri

... sytë i kishin të përlotur të dy. Piteri palosi flokët me kujdes. Ra dera dhe Nina, gazetarja e re, me mikrofonin në dorë, hyri brenda. Piteri i tregoi një karrige dhe tha: "Nina, para se të flas, duhet të më premtosh një gjë" dhe nxori nga sirtari dy librat e fotokopjuar. "Dua që t'i lexosh e të shkruash mbi ngjarjet tragjike për të cilat flitet në faqet e tyre. Kjo tragjedi është mbajtur e fshehur për pesëdhjetë vjet. Tani ka ardhur koha që bota ta marrë vesh të vërtetën."

Nina i mori librat në dorë dhe filloi t'i shfletojë. "Qenkan botuar?!", tha e habitur. "U zhdukën nga qarkullimi sapo dolën. Prandaj dua që ti t'i bësh të njohura. Vetëm atëherë do të ndihem i qetë se e kreva detyrën time", përfundoi Piteri.

***

Atë mbrëmje, Piteri i dha Lulit një zarf. Brenda ishin dy bileta avioni. Luli ngriti kokën e habitur. "Shiko itinerarin!"
"Las Vegas dhe... Austri?!"